كونستيتۋتسيالىق سوت باسشىسىمەن پىكىرلەستى

جاقىندا قازاقستاننىڭ مىسىرداعى ەلشىسى بەرىك ارىن ەگيپەت اراب رەسپۋبليكاسى جوعارعى كونستيتۋتسيالىق سوتىنىڭ توراعاسى ابدەل ۋاحاب حاسانمەن كەزدەستى. كەزدەسۋدە ەلشى ءا.حاسانعا قازاقستان رەسپۋبليكاسى جوعار­عى سوتىنىڭ توراعاسى قاي­رات ءماميدىڭ مانساپقا تاعايىن­دالۋىنا وراي قۇتتىقتاۋىن جەت­كىزىپ, قازاقستان مەن مىسىر ارا­سىن­داعى سوت-قۇقىقتىق جانە باسقا دا سالالارداعى ىنتىماقتاستىقتى ودان ءارى دامىتۋدىڭ جولدارى جونىندە پىكىر الماستى. مىسىر پرەزيدەنتى ابدەل فاتتاح اس-ءسيسيدىڭ ۇستىمىزدەگى جىلعى اقپان ايىنداعى استاناعا رەسمي ساپارى ەكىجاقتى قارىم-قاتىناستاردىڭ بارلىق سالالارىنىڭ دامۋىنا جاڭا سەرپىن بەرگەنى اتاپ ءوتىلدى. ب.ارىن سۇحباتتاسىن ەلى­مىز­دىڭ ماڭىزدى ىشكى ساياسي وقي­­عالارىمەن تانىستىرا كەلىپ, قازاق­­­­ستان پرەزيدەنتى نۇر­سۇلتان نازار­باەۆتىڭ تاپسىرماسى­مەن قازاقستاندا جۇزەگە اسىر­ىلۋ­داعى 5 ينستيتۋتتىق رەفورما­لار شەڭبەرىندە اتقارىلىپ جات­­­قان قۇقىقتىق رەفورمالار, سو­نىڭ ىشىندە ىشكى تاجىريبە مەن وزىق حالىقارالىق ستاندارتتار نەگىزىندە سوت تورەلىگى جۇيەسىن جەتىلدىرۋ باعىتىنداعى شارالار تۋرالى حاباردار ەتتى. سىرتقى ساياسي باستامالارى­مىزعا توقتالا وتىرىپ, ەلشى قازاقستاننىڭ 2017-2018 جىل­دارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە سايلانعانىن حابارلادى. بۇعان قوسا, ول ەكسپو-2017 كور­مەسىنە دايىندىق بارىسىمەن تانىستىرىپ, كەيىن ونىڭ ينفراقۇرىلىمى نەگىزىندە «استانا» حالىقارالىق قارجى ورتا­لىعىنىڭ قۇرىلاتىنىن جانە داۋلاردى شەشۋ ءۇشىن ارنايى سوتتىڭ جۇمىس ىستەيتىنىن اتاپ ءوتتى. مىسىردىڭ جوعارعى كونستي­تۋتسيالىق سوتى ەڭ جوعارى سوت بيلىگى رەتىندە مەملەكەتتىڭ ىشكى ساياسي ومىرىندە ماڭىزدى ورىن الاتىندىعىن ايتا كەتكەن ءجون. اتاپ ايتقاندا, كونستيتۋتسيالىق سوت باسشىسى 2013-2014 جىل­دار ارالىعىنداعى مىسىردىڭ قيىن وتپەلى كەزەڭىندە مەملەكەتتى باسقاردى, ال اتالمىش ينستيتۋت ەلدى ساياسي داعدارىستان شى­عارۋ بويىنشا «جول كارتاسىن» تابىستى جۇزەگە اسىرۋدا, سونىڭ ىشىندە ەلدىڭ جاڭا كونستي­تۋ­تسيا­سى دا بار. «ەگەمەن-اقپارات»