ماقسات – مەملەكەتشىلدىك سانا قالىپتاستىرۋ

جەمقورلىق – جەگى قۇرت. جەڭ ۇشىنان جالعاسقان سىبايلاستىق ۇشپاققا شىعارماق ەمەس. ءبىزدىڭ قوعام بۇل دەرتتەن قۇلانتازا, ادا دەپ ايتا المايمىز. مەملەكەتتىك قىزمەت كورسەتۋ سالاسىندا دا وسىنداي كەلەڭسىزدىك كەڭ ەتەك جايعان. مۇنداي پىكىردى جۋىردا عانا مەملەكەتتىك قىزمەت ىستەرى مينيسترلىگىنىڭ القا ماجىلىسىندە ايتىلعان دەرەكتەر ايعاقتاي تۇسەدى. سىبايلاس جەمقورلىقتىڭ الدىن الۋ مەن ولاردى انىقتاۋ, جولىن كەسۋ, اشۋ مەن تەرگەۋ بويىنشا سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان بولىپ تابىلاتىن اتالعان ۆەدومستۆونىڭ ەسەبى بويىنشا, اعىمداعى جىلدىڭ العاشقى جارتىسىندا 588 لاۋازىمدى تۇلعا جاۋاپكەرشىلىككە تارتىلعان. ونىڭ ىشىندە 11-ءى رەسپۋبليكالىق, 39-ى وبلىستىق, 79-ى قالالىق جانە اۋداندىق ورگانداردىڭ قىزمەتكەرلەرى, سونىمەن قاتار, 16 اكىم مەن ولاردىڭ ورىنباسارلارى تاعى بار. سىبايلاستىق ۇشپاققا شىعارمايدى مەملەكەتتىك قىزمەت ىستەرى ءمينيسترى تالعات دوناقوۆ­تىڭ ءتور­اعالىعىمەن وتكەن 1-ءشى جارتى­جىل­دىقتىڭ قورىتىن­دىلارىنا ارنالعان كەڭەيتىلگەن القا ءماجى­­لىسىندە ارنايى بايانداما جاسا­عان سىبايلاس جەمقورلىققا قار­سى كۇرەس جونىندەگى ۇلتتىق بيۋرو توراعاسىنىڭ ورىنباسارى تال­عات تاتۋباەۆ ەلدەگى سىبايلاس جەم­قور­لىققا ەڭ كوپ جول بەرەتىن مەم­لەكەتتىك ورگانداردىڭ ءبىر­قاتارىن ءتىزىپ شىقتى. «سىبايلاس جەم­­قور­لىققا كوپ جول بەرەتىن ورگان­دار, ول – اكىمدىكتەر مەن ىشكى ءىس­تەر ور­گاندارى, اۋىل شارۋا­شى­­لى­عى مەن دەنساۋلىق ساقتاۋ جانە الەۋ­مەتتىك دامۋ مينيستر­لىگى, كۆا­زي­مەم­لەكەتتىك سەكتور مەن مەم­لە­كەت­تىك كىرىستەر كوميتەتى», – دەدى ول. بايىپتاي قاراساق, توراعا ورىنباسارىنىڭ بۇل پىكىرى كوپتىڭ كوكەيىندەگىسىن ءدوپ باسقانداي-اق. ءتىپتى, بۇل قاتاردى ءبىلىم سالاسىندا ورىن الىپ جاتقان بىلىق پەن مەملەكەتتىك ساتىپ الۋ قىزمەتىندەگى قۋلىقتارمەن تولىقتىرا تۇسۋگە بولادى. مەملەكەتتىك قىزمەت سالا­سىن­داعى جەمقورلىقتى ءتۇپ-تامىرى­مەن جويۋ ماقساتىندا وتكەن جىل­دىڭ جەلتوقسانىندا ەلباسى جار­لى­عىمەن مەملەكەتتىك قىز­مەت ىستەرى مينيسترلىگى جاساق­تال­عانى بەلگىلى. بۇرىنعى مەم­لە­كەت­تىك قىز­مەت ىستەرى جانە سى­باي­لاس جەم­قور­لىققا قارسى ءىس-قيمىل اگەنت­تى­گىنىڭ نەگىزىندە قۇ­­رىلعان بۇل ۆەدومستۆونىڭ ماق­­سات-مىندەتى – سى­باي­لاس جەم­قور­­لىققا قارسى كۇرەس ءجۇر­گىزە وتى­رىپ, قىز­مە­ت­كەر­­لەر ارا­سىن­دا مەم­لە­كەت­شىلدىك سانا قا­لىپ­­تاستىرۋ. پرەزيدەنت اكىمشىلىگى مەن پرەمەر-مينيستر كەڭسەسىنىڭ وكىل­دەرى, مەملەكەتتىك مەكەمەلەر­دىڭ ادەپ جونىندەگى ۋاكىلدەرى, مينيستر­لىكتىڭ اۋماقتىق دەپار­تا­مەنتتەرىنىڭ باسشىلارى مەن ور­تالىق اپپاراتىنىڭ قىزمەت­كەرلەرى قاتىسقان شارا بارى­سىن­دا ن.نازارباەۆ جاريالاعان ۇلت جوسپارىنداعى ءبىرىنشى ينس­تيتۋت­تىق رەفورمانى جۇزەگە اسى­رۋ جونىندەگى جۇمىس قورىتىن­دى­لارى پىسىقتالدى. وسى باعىت­تا ارنايى بايانداما جاساعان ۆيتسە-مينيستر نۇرلان ىبىرايىم مي­نيستر­لىكتىڭ العاشقى جارتى­جىل­دىقتا مەملەكەتتىك قىزمەتتىڭ كون­كۋرس­تىق ىرىكتەۋگە نەگىزدەلگەن مان­ساپ­تىق مودەلى ەنگىزىلگەندىگىن مالىمدەدى. «بارلىق كونكۋرستاردىڭ جال­پى سانىنداعى (جالپى جانە ىشكى) 48 پايىزىندا بوس ورىندارعا وزگە مەملەكەتتىك قىزمەتشىلەر اۋىس­تى, بىلتىرعى جىلى بۇل كور­سەت­كىش بار-جوعى 26 پايىزدى قۇرا­عان ەدى. بۇدان وزگە, تەك قانا مەملە­كەت­تىك قىزمەتشىلەردىڭ اراسىن­دا وتكىزىلەتىن ىشكى كونكۋرستار ينس­تي­تۋتى ەنگىزىلگەلى, تومەنگى دەڭگەي­دەن جوعارى دەڭگەيدەگى لاۋازىم­دارعا تاعايىندالعان قىزمەت­شى­لەردىڭ سانى وتكەن جىلمەن سالىس­تىرعاندا 16 پايىزعا ءوستى», – دەدى ول. سونىمەن قاتار, بايانداماشى ازاماتتار اراسىندا مەملەكەتتىك قىزمەتكە دەگەن قىزىعۋشىلىق ارتا تۇسكەنىن اتاپ ءوتتى. ونىڭ ءبىر ايعاعى رەتىندە مەملەكەتتىك قىزمەتشىلەردىڭ ءتۇرلى مەكەمەلەر اراسىندا الماسۋ دەڭگەيىنىڭ شامامەن ەكى ەسەگە تومەندەۋىن كەلتىرۋگە بولادى ەكەن. «ەگەر وتكەن جىلدىڭ 1-ءشى جارتىجىلدىعىندا مۇنداي الماسۋلار 5,6 پايىزدى قۇراسا, اعىمداعى جىلدىڭ ءساي­كەس مەر­زىمىندە بۇل كورسەتكىش 3,6 پا­يىزعا تەڭ ءتۇستى. سونداي-اق, قا­بىل­دانعان شارالاردىڭ ارقا­سىندا مەملەكەتتىك قىزمەتتىڭ ءتيىم­دى­لىگىن اناعۇرلىم ارتتىرۋعا مۇمكىندىك تۋدى. ناتيجەسىندە, قىزمەتتەردى كورسەتۋ مەرزىمدەرىن بۇزۋ فاكتىلەرى 16 مىڭنان 3,8 مىڭعا, ياعني, 4 ەسەگە دەيىن تومەن­دەدى», – دەدى ن. ىبىرايىم. بايانداماشىنىڭ سوزىنە قارا­عاندا, ەلدەگى مەملەكەتتىك قىز­مەت جۇيەسىندە جاڭا مينيسترلىك قۇزى­­رەتىندە وڭ وزگەرىستەر جەدەل بايقالىپ كەلەدى. ول مەملەكەتتىك قىزمەتتە ءوسۋ ساتىسىنىڭ تومەن­نەن باستالۋىنا باسىمدىق بەرى­لۋىنە بايلانىستى. بۇل جاس­ت­ار­دىڭ شالعاي ايماقتارعا جول تارتۋىنا سەبەپكەر بولۋدا. سون­داي-اق, جال­پى كونكۋرستىق نەگىز­دەگى مەري­تو­كراتيا ەسەبىنەن ءۇمىت­كەر­لەردى قىزمەتكە قابىلداۋ جۇيە­سى مەن ءۇش دەڭگەيلى ىرىكتەۋدىڭ ىسكە قوسىلۋى, قىزمەتكەردىڭ زاڭ­نا­ما­لىق ساۋاتىن جەتىلدىرۋ ءارى ونىڭ قۇقىقتىق تۇرعىدا قور­عالۋىن قام­تاماسىز ەتۋ جۇمىس­تارى جە­تىلدىرىلگەن. ال مامان بىلىك­­تى­لىگىن سىناۋ ماقساتىندا ۇيىم­داستىرىلاتىن تەستىلەۋدەن وتكىزۋ ۇدەرىسىندەگى زاماناۋي تەح­نو­­لوگيالاردى قولدانۋ ارقىلى شى­نايىلىققا بەتبۇرىس بۇل كۇندە ايقىن سەزىلۋدە. ياعني, تەست تاپسىرۋ بارىسىندا ۆەب-كامەرالار مەن بەينە تۇسىرىلىمدەردىڭ ونلاين-رەجىمدە تىكەلەي جۇرگىزىلۋى, سەرتي­فيكاتقا قىزمەتكەر سۋرەتىنىڭ ورنالاستىرىلۋى سىندى ارەكەت­تەر ۇمىتكەرلەر اراسىنداعى كۇمان­دى ويدىڭ بۇلتىن سەيىلتكەن. سونى­مەن قاتار, قىزمەتكەردىڭ سى­ناق مەرزىمىنە قاتىستى جاڭا جۇيە­نىڭ قولدانىسقا ەنگىزىلۋى جاس مامان­نىڭ ۇجىمعا تەز بەيىمدەلۋى مەن ءوزىن جاقسى قىرىنان كورىنۋىنە زور ءمۇم­كىندىكتەر بەرىپ وتىر. ماسە­لەن, 3+3 جۇيەسى بويىنشا بۇگىن­گى تاڭدا ەلىمىزدە 1 404 مەم­لە­كەتتىك قىزمەتكەر سىناق مەرزى­مىنەن وتۋدە. وسىعان وراي, ەڭبەك ءونىم­دىلىگىنە قاراي جالاقى تولەۋ ماسەلەسى دە وسى كۇندەرى كۇن ءتار­تىبىنە شىعارىلۋدا. كەلەر جىلدىڭ العاشقى جار­تى­­جىل­دىعىندا «ب» كورپۋسى سانا­­تىنداعى مەملەكەتتىك اكىم­شىلىك قىزمەتكەرلەردى كەشەن­دى اتتەستاتسيادان وتكىزۋ جوسپار­لان­عان. مەملەكەت باسشىسىنىڭ وسىنداي تاپسىرماسىن ويداعىداي جۇزەگە اسىرۋعا مينيسترلىك ما­ماندارى قازىردەن دايىندىق جۇ­مىستارىن جۇرگىزۋدە. بۇل با­عىتتا دا مينيسترلىك تارا­پى­نان ناقتى جوسپارلار مەن نورماتيۆتىك-قۇقىقتىق بازالاردى اقپاراتتىق ءتۇسىندىرۋ باعىتىنداعى تىڭ جوبالار قولعا الىنۋدا.   كەرەعار شەشىم – قۇقىق بۇزىلۋىنىڭ باستاۋى جيىندا مينيستر تالعات دوناقوۆ ءوزى جەتەكشىلىك ەتە­تىن مي­نيستر­لىكتىڭ باقىلاۋ ۋاكى­لەت­تىگىن جۇزەگە اسىرۋ شەڭبەرىنە قا­تىست­ى ماسەلەلەردى دە قوزعادى. بۇل باعىتتا اتقارىلاتىن جۇ­مىس­تاردىڭ ءبىر پاراسى رەتىندە مەملەكەتتىك قىزمەت زاڭناماسىن ساقتاۋ سالاسىندا بۇگىنگە دەيىن 351 تەكسەرىس جۇرگىزىلىپ, ءناتي­جە­سىندە 345 زاڭ بۇزۋشىلىق انىق­­تالعاندىعىن اتاپ ءوتتى. وسى تا­قى­لەتتەس ماسەلەلەرگە ناقتى دايەكتەر كەلتىرىپ, مۇنداي جاي­سىز­دىقپەن كۇرەسۋدىڭ جاڭاشىل باعىتتارى جونىندە بايانداۋ ءۇشىن ءسوز كەزەگىن ءوزىنىڭ تاعى ءبىر ورىنباسارى – مەملەكەتتىك قىز­مەت ىستەرى ۆيتسە-ءمينيسترى ايگۇل شايموۆاعا بەرگەن بولاتىن. ول ءا دەگەننەن-اق, مەملەكەتتىك قىز­مەت ىستەرى ورگاندارىنىڭ كۇشى­مەن جۇرگىزىلگەن تەكسەرۋلەر ءناتي­جەسىندە جۇزدەن استام ازا­مات­تىڭ قۇقىعى قورعالىپ, قالپى­نا كەل­تىرىلگەندىگىن العا تارت­تى. بۇعان قوسا, مەملەكەتتىك قىز­مەت­شىلەردىڭ دە بۇزىلعان قۇقىقتارىن قال­پىنا كەلتىرۋ جانە قورعاۋ بو­ي­ى­نشا بىرقاتار شارالار قابىلدانعان. «اتاپ ايتقاندا, مەملەكەتتىك مەكەمەلەرگە زاڭعا كەرەعار قابىل­دانعان شەشىمدەردىڭ كۇشىن جويۋ بويىنشا 138 ۇسىنىس ەن­گى­زىل­گەن بولسا, سونىڭ ىشىندە 110-ى ورىن­دا­لىپ, زاڭعا قايشى قابىل­دانعان 39 بۇيرىقتىڭ كۇشى جويىلدى. بۇل وتكەن جىلمەن سالىس­تىرعاندا مەم­لەكەتتىك قىز­مەتشىلەردىڭ ءتارتىپ­تىك جازاعا تارتىلۋى ۇشتەن بىرگە كە­مى­گەن­دى­گىن كورسەتەدى», – دەدى ول. ۆيتسە-ءمينيستردىڭ ايتۋىنشا, 1-ءشى جارتىجىلدىقتا ار-نامىس كودەكسىنىڭ نورمالارىن بۇزعانى ءۇشىن وبلىستىق جانە اۋداندىق دەڭگەيدەگى 115 قىزمەتشى تارتىپتىك جازاعا تارتىلسا, بىلتىرعى جىل­داعى بۇل كورسەتكىش 163 بول­عان ەكەن. مۇنى مينيسترلىك مامان­دارىنىڭ سىبايلاس جەمقورلىق تاۋەكەلدەرىنە تالداۋ جاساۋ ءادىسىن كەڭىنەن قولدانۋ ناتيجەسىمەن بايلانىستىرعان ءجون. ايتالىق, جىل باسىنان بەرى ورتالىق مەم­لەكەتتىك ورگانداردىڭ 2 قۇرى­لىم­دىق بولىمشەسى مەن جەرگىلىكتى اتقارۋ ورگاندارىنىڭ 76 ءبولىم­شەسىنىڭ قىزمەتتەرىنە تالداۋ جۇرگىزىلگەن. سونداي-اق, سىبايلاس جەمقورلىق تاۋەكەلدەرىن انىق­تاۋ ماقساتىندا 50-دەن اسا قۇ­قىق­تىق اكتىلەرگە جانە 56 ستان­دارت پەن رەگلامەنتكە تالداۋ جاسا­ل­­عان. ۇلتتىق كاسىپكەرلەر پالا­تا­سىمەن دە بىرلەسە وتىرىپ, سىبايلاس جەم­قور­لىق تاۋەكەلدەرىن انىق­تاۋ ءۇشىن 380-نەن استام نورما­تيۆ­­تىك-قۇقىقتىق اكتىلەرگە تال­داۋ ءجۇر­گىزىلگەن. اتقارىلعان وسىنشاما شارۋانىڭ ناتيجەسىندە, مي­­نيستر­­لىك تاراپىنان مۇنداي تاۋە­كەل­دەر­دى جويۋ بويىنشا ارنا­يى ۇسى­نىستار ازىرلەنىپتى. سىبايلاس جەمقورلىققا قارسى مادەنيەتتى قالىپتاستىرۋدىڭ بەكى­تىلگەن كەشەندى جوسپارى اياسى­ندا 900-گە جۋىق الەۋمەتتىك ماڭى­زى بار ءىس-شارالار وتكىزىلگەن, وعان بار­لىعى 85 مىڭنان اسا ادام قاتىس­قان. ۆيتسە-مينيستر ءارتۇرلى الەۋ­مەتتىك توپتار ءۇشىن بۇل جۇ­مىس يدەولو­گيالىق وزەكتى ماسە­لەل­­ەر­­دى تالقى­لاپ, پىكىر الماساتىن ۇنقا­تىسۋ الاڭىنا اينالعاندىعىن اتاپ ءوتتى. تالداۋ – كىمدەرگە قولداۋ ەندى العاشقى جارتىجىلدىق­تا جۇرگىزىلگەن تالداۋ ناتيجەسىن تاراتىپ ايتار بولساق, وسى كەزگە دەيىن مەملەكەتتىك قىزمەتكەرلەر تاراپىنان جاۋاپكەرشىلىك جۇك­تەگەن جانداردى بىلايشا جىكتەۋ­گە بولادى: 33 – ەسكەرتۋ, 38 – سوگىس, 29 – قاتاڭ سوگىس, 10 قىزمەتكەردىڭ ءوز لاۋا­زى­مىنا سايكەسسىزدىگى انىق­تالىپ ءبىر ماماننىڭ قىز­مەتى تومەن­دەتىلگەن جانە 4 ازامات مەم­لەكەت­تىك قىزمەتتەن الاستا­تىلعان. سونداي-اق, مەملەكەت اتىنان ارەكەت ەتەتىن قىزمەتكەرلەردىڭ باسىم بولىگى ماس كۇيىندە كولىك ءتىز­گىندەۋ مەن جۇمىس ورنىندا سە­بە­پسىز بولماۋ, قىزمەتتىك كولىك­تى جەكە ماقساتتا پايدالانۋ سەكىل­دى ارەكەتتەرىمەن لاۋازىمدىق بەدە­لىنە داق ءتۇسىرىپ جاتادى ەكەن. مۇنداي وقيعالار ءجيى قايتا­لانىپ, ول قوعام اراسىندا قىزۋ تالقى­لاناتىن كەزدەرى دە جوق ەمەس. وسىنىڭ الدىن الۋ جانە وعان قار­سى امال-ارەكەتتەر قاتارىندا اعىمداعى جىلدىڭ التى ايىندا ار-نامىس كودەكسىنىڭ نورمالارىن ساقتاۋعا ۇندەيتىن 470 سەمينار-كەڭەس ۇيىمداستىرىلىپتى. سونىمەن قاتار, جوسپاردان تىس تەكسەرۋ ناتيجەسىندە 114 ازا­مات­تىڭ قۇزىرلى ورگاندار تارا­پى­نان جازىقسىز ءزابىر كور­گەن­دەرى اشكەرەلەنگەنىن اتاپ ءوتۋ كەرەك. وسىنداي جاعدايعا باي­لا­نىستى دەرەكتەر كەلتىرەتىن بول­ساق, قىزمەتتىك وكىلەتتىگىن پاي­دا­لانعان ەسىل اۋدانىنداعى اۋىل­دىق وكرۋگ اكىمى ك.مۋسين س.گريبانوۆا مەن ە.ريحتەردىڭ شا­عىمى نەگىزىندە تارتىپتىك جاۋاپ­كەرشىلىككە تار­تىلىپ, قا­تاڭ سوگىس العان. سول سياقتى قۇقىق قورعاۋ باعىتىندا كەرى كورىنىس بەرۋى زاڭدىلىق سياقتى. ياعني, كەي جاعدايلاردا ارنايى تەكسەرىس ناتيجەسىندە قۇرىعى ۇزىن قۇزىرلى ورگان وكىلدەرىنىڭ ار-نامىسى اياققا تاپتالعان ساتتەر دە ايقىندالعان. ماسەلەن, ماڭعىستاۋ وبلىسىنداعى قاراقيا اۋدانى اكىمى اپپاراتىنىڭ باس مامانى ا.كۋليمانوۆا قىزمەتىنەن زاڭسىز بوساتىلعان. ادەپ كەڭەسىنىڭ ىسكە ارالاسىپ, ۇسىنۋىمەن ول ءوز قىز­مەتىنە قايتا ورالدى. تاعى ءبىر مىسال, كەدەندىك باقىلاۋ كوميتە­تى­نىڭ بۇرىنعى قىزمەتكەرى دە ەكى جىلدىق تاباندى كۇرەسىنىڭ ارقا­سىندا ءوز قۇقىنىڭ اياقاستى ەتىلگە­نىن دالەلدەپ, قىزمەتكە قايتا كەل­گەن. وسى سەكىلدى كەمشىلىكتەرگە بوي الدىرعان 55 مەملەكەتتىك قىز­مەتكەردىڭ قۇقى قورعالىپ, وعان كىنالى 149 ادام تارتىپتىك جاۋاپ­كەرشىلىككە تارتىلعان. مينيسترلىك وكىلدەرىنىڭ ايتۋىن­شا, مۇنىڭ بارلىعى دا مەملەكەتتىك قىزمەتكەرلەردىڭ ار-نامىس كودەكسىن جەتىك مەڭگەر­مەۋى­مەن تىكەلەي بايلانىستى كورى­نەدى. «ەل بولامىن دەسەڭ, بەسى­گىڭدى تۇزە» دەگەن تامسىلگە سۇيە­نە وتىرىپ, ءبىز قوعام جاستارى مەن بۇگىنگى بالالارىمىزدى سى­باي­لاس جەمقورلىقتان قاشىق بولۋعا جەتەلەيتىن تانىم-تۇسىنىك بەرۋ جولىندا تاربيەلەۋگە كۇش سالۋدامىز. سول ءۇشىن دە جوو مەن مەكتەپ باعدارلامالارىنا سىبايلاستىققا قارسى ءبىلىم بەرەتىن ساباق پەن ارنايى ساعاتتار ەنگىزدىك. وسىنىڭ اياسىندا 1,5 ميل­ليوننان استام مەكتەپ وقۋ­شى­سى مەن 200 مىڭعا جۋىق ليتسەي-كول­لەدجدەردىڭ, 125 مىڭ جوو ستۋ­دەنتىنىڭ اتالعان سالادا ءبىلىم­دەرى تولى­عا تۇسۋدە. سونىمەن قاتار, مينيستر­لىك باستاماسىمەن 105 جوعارى وقۋ ورنىندا «سىبايلاس جەمقورلىققا قارسى كۇرەستىڭ نەگىزدەرى» تاقىرىبىندا ارنايى وقۋ باعدارلاماسى ەنگىزىلىپ, ونىڭ اياسىندا جىل سايىن 114 مىڭ ستۋ­دەنت ءبىلىم الاتىن بولادى دەپ كۇتىلۋ­دە», – دەدى ا.شايموۆا. ۆيتسە-مينيستر كەلتىرگەن دەرەك­­تەرگە قاراعاندا, جەمقور­لىق­­تان قوعامدى جەرىندىرۋدىڭ العىشارتتارى دا قولعا الىنعان. ونىڭ ءبىر شەتى ادەبيەت پەن مادە­نيەت جانە ونەر تۋىندى­لارى­نا كەلىپ تىرەلەدى. سونىڭ ءبىر باعى­تى رەتىندە سوڭعى كەزدەرى تەاتر­لان­دىرىلعان قويىلىمدار ارقى­لى ۇگىت-ناسي­حات جۇرگىزۋ قولعا الىنۋدا. مىسالى, الماتى قالا­سىندا «تەندەرگە تۇسكەن كەلىن­شەك», اقتوبە وبلىسىندا «كومان­دوس» جانە «ەسكەرتكىش وپەرا­تسيا­سى», ماڭ­عىستاۋ وبلىسىندا «سەرتتەسۋ», «جولايرىق», سول­تۇس­تىك قازاقستان وبلىسىندا «جەتىم تاعدىر», «رەۆي­زور» مەن «سمەشنىە دەنگي» جانە شى­عىس قازاقستان وبلىسىندا «جەم­­­قور­­­لىقتى جەككورەم» سىن­دى سپەك­­تاك­لدەردى كورەرمەن نازارى­نا ۇسىنۋ جوسپارلانعان. القا وتىرىسىن قورىتىن­دىلاعان مينيستر تالعات دوناقوۆ ەلدى سىبايلاس جەمقورلىقتان ادا ەتىپ, مەملەكەتتىك قىزمەتكەرلەردىڭ پاسىق ويدان قاشىق بولۋىن, ال قوعامنىڭ ساناسىن سەرگىتۋدى قاتاڭ زاڭدارمەن عانا قامتاماسىز ەتۋ مۇمكىن ەمەستىگىن مەڭزەي وتىرىپ, ۇلتتى رۋحاني قۇندىلىقتارعا ۇيىستىرۋ ارقىلى كىم-كىمنىڭ دە ار-ۇياتىن كۇشەيتۋگە ۇندەيتىن مۇنداي باستامالاردىڭ بەرەرى كوپ ەكەندىگىن اتاپ ءوتتى. رۋحانياتقا قىزمەت ەتۋ, ادام بالاسىنىڭ ىشكى الەمى مەن جان دۇنيەسىن جاق­سى دۇنيەلەرمەن سۋسىنداتۋ ار­قى­لى «جەگى قۇرتتان» ەل-جۇرتتى جەرىن­دىرۋ مەملەكەتتىك قىزمەت ىستەرى مينيسترلىگىنىڭ ءمىنسىز ءمىن­دەتىنە اينالاتىنداي. نۇرلىبەك دوسىباي, «ەگەمەن قازاقستان» استانا