جەرگىلىكتى بيزنەس – بەرەكە ۇيىتقىسى

قازاقستان رەسپۋبليكاسىنىڭ «اتامەكەن» ۇلتتىق كاسىپكەرلەر پالاتاسى پرەزيديۋمىنىڭ ءتور­اعاسى تيمۋر ق ۇلىباەۆ جۇمىس ساپارىمەن كوكشەتاۋ قالاسىندا بولدى. ول الدىمەن كوكشەتاۋداعى ىرگەلى كاسىپورىنداردىڭ ءبىرى «مولوكو سينەگوريا» ءسۇت زاۋى­تىنىڭ جۇمىسىمەن تانىس­تى. كاسىپورىن باسشىسى ەلەنا ميحايلوۆانىڭ ايتۋىنا قارا­عاندا, زاۋىت ۋلتراپاستەرلەنگەن ا3/Flex ءسۇتىن ءوندىرۋ بو­يىنشا ەكى بىردەي تەحنولوگيالىق جەلىمەن جابدىقتالعان. جاقىندا زاۋىتتا تاعى ءبىر  جوعارى تەمپەراتۋرادا ءسۇت وڭدەيتىن جەلى ىسكە قوسىلدى. سونداي-اق, الداعى ۋاقىتتا شۆەد ءادىسى بويىنشا قىشقىل ءسۇت ونىمدەرىن,  گرەك جابدىقتارىمەن «ستەفارت» يوگۋرتىن, فيندەردىڭ ادىسىمەن جاپسىرما قاعازى مەن كولەمى 1-2 ليترلىك شيشا شىعاراتىن جاڭا جەلىلەردى ىسكە قوسۋ جوسپارلانعان. – كاسىپورىننىڭ قازىرگى زا­مانعى وزىق تەحنولوگيالىق ءادىستى قولدانۋى ءوندىرىس كولەمىن ەداۋىر ارتتىرىپ, جوعارى ساپالى ءونىم شىعارۋعا مۇمكىندىك بەرۋدە. ءونىم نەگىزىنەن, قازاقستاننىڭ ىشكى نارىعىنا جونەلتىلۋدە. الداعى ۋاقىتتا رەسەي مەن تۇرىكمەنستان ەلدەرىنە ەكسپورتقا شىعارۋ كوز­دەلىپ وتىر, – دەدى ءوندىرىس ورنىنىڭ باسشىسى. بۇدان كەيىن ت.ق ۇلىباەۆ ءوڭىر­دە كاسىپكەرلىكتى دامىتۋدىڭ ءتيىمدى باعىتتارى مەن تۇيتكىلدى ماسەلەلەرىن شەشۋدىڭ جولدارىن قاراستىرعان كەڭەيتىلگەن كەڭەس وتكىزدى. ونىڭ جۇمىسىنا وبلىس اكىمىنىڭ ءبىرىنشى ورىنباسارى قادىرحان وتاروۆ, وبلىستىق دەپارتامەنتتەر, باسقارمالار مەن ۆەدومستۆولاردىڭ باسشىلارى وبلىستىق ءماسليحاتتىڭ دەپۋتاتتارى, وڭىرلىك كاسىپكەرلەر پالاتاسى مەن «دامۋ» كاسىپكەرلىكتى دامىتۋ قورىنىڭ وكىلدەرى قاتىستى. – بۇگىنگى تاڭدا, مەملەكەت باس­شىسى نۇرسۇلتان نازارباەۆتىڭ تاپسىرماسىنا سايكەس, ەلىمىزدە كاسىپكەرلىكتى دامىتۋ باعىتىندا «بيزنەستىڭ  جول كارتاسى-2020» ءتارىزدى مەملەكەتتىك باعدارلامالار مەن اۋقىمدى جوبالار قولعا الىنعان. وسىنىڭ ناتيجەسىندە رەسپۋبليكامىزدا كاسىپكەرلىك كەڭ ءورىس الۋدا. استانالىق وبلىس اقمولا وڭىرىندە دە ءىرى كاسىپورىندارمەن قاتار, شاعىن جانە ورتا بيزنەس دامۋ ۇستىندە. بۇگىنگى ءبىزدىڭ باستى مىندەتىمىز كاسىپكەرلەر مەن مەملەكەتتىك ورگاندار اراسىندا ءجيى كەزدەسەتىن تۇسىنىسپەۋشىلىك پەن اكىمشىلىك كە­دەرگىلەردى ازايتۋ بولىپ تابىلادى, – دەدى تيمۋر ق ۇلىباەۆ ءوز سوزىندە. كەڭەس بارىسىندا وڭىرلىك كاسىپكەرلەر پالاتاسىنىڭ باس­شى­سى قازىبەك ەسكەندىروۆ شا­عىن جانە ورتا بيزنەستى دامى­تۋ باعىتىندا قولعا الىنعان جۇمىستار تۋرالى باياندادى. اتاپ ايت­قاندا, وبلىس بويىنشا يندۋستريالاندىرۋ كارتاسىنا 15 جوبا ەنگىزىلىپ وتىر. ونىڭ ىشىندە 10 جوبا اۋىل شارۋاشىلىعى سالاسىندا, ياعني, ءسۇت جانە ەت ونىمدەرىن وڭدەۋ, كۇركە تاۋىق وسىرەتىن كەشەن جانە تاۋارلى-ءسۇت فەرماسىن سالۋ, مال ازىعىن ءوندىرۋ بويىنشا قولعا الىنعان. – وڭىرلىك پالاتا 2015 جىلدان باستاپ كاسىپكەرلەرگە سەرۆيستىك قىزمەت كورسەتۋدە. بىلتىرعى جىلى 1677 كاسىپكەر 2500-دەن استام سەرۆيستىك قىزمەتتى پايدالاندى. وعان قوسا, «بيزنەس-مەكتەپ» جوباسى بويىنشا 1000-نان استام ادام ارنايى كۋرستان ءوتتى. بۇل 150 ادامنىڭ ءوز كاسىبىن اشىپ, 324 جوبانىڭ جۇزەگە اسىرىلۋىنا مۇمكىندىك بەردى, – دەدى قازىبەك ەسكەندىروۆ. كەڭەس وتىرىسى بارىسىندا سۋبسيديا الۋ, ىسكەرلىك توپ وكىلدەرىن قورعاۋ جانە ەلدەگى تەكسەرۋلەر مەن قاداعالاۋ ورگان­دارىنىڭ سانىن قىسقارتۋ ءتارىزدى ماسەلەلەر دە قوزعالدى. – قاتىسۋشىلار تاراپىنان قو­يىلعان ساۋالداردىڭ كو­بى وسىعان دەيىن تالاي رەت اي­تىل­عان جانە ءتيىستى مەملەكەتتىك قۇرىلىمداردىڭ باقىلاۋىندا تۇر. ەل ەكونوميكاسىن دامىتۋدا شاعىن جانە ورتا بيزنەستىڭ بەلسەندىلىگى ارتىپ كەلەدى. اتالعان قۇرىلىم كوپتەگەن الەۋمەتتىك ماسەلەلەردىڭ وڭ شەشىمىن تابۋىنا ۇيىتقى بولۋدا. بۇگىنگى كۇنى ولاردىڭ قۇقى مەن مۇددەسىن ۇلتتىق كاسىپكەرلەر پالاتاسى سياقتى ينستيتۋت قورعايدى. بۇدان بىلاي مەملەكەت پەن بيزنەس ءبىر-بىرىنە تۇسىنىستىكپەن قاراپ, بارلىق ماسەلەنى كەلىسە شەشەتىن بولادى, – دەدى كەڭەستى قورىتىندىلاعان پرەزيديۋم توراعاسى. باقبەرگەن  امالبەك, «ەگەمەن قازاقستان» اقمولا وبلىسى