«بوكس – توبەلەس ەمەس, ول – ونەر!»

– دەيدى اتىراۋعا كەلگەن اتاقتى بىلعارى قولعاپ شەبەرى گەننادي گولوۆكين داڭقتى بوكسشى گەننادي گولوۆكين اتىراۋدىڭ تورىندە شەبەرلىك-ساباعىن ءوت­كىزدى. «اكەم – ورىس, شەشەم – كارىس, ال مەن – قازاقپىن!» – دەپ جار سالعان گەنامەن كەزدەسۋگە جۇ­مىلعان جۇرت ح.دوسمۇحامەدوۆ اتىنداعى اتىراۋ مەملەكەتتىك ۋني­ۆەرسيتەتىنىڭ «جايىق» سپورت زالىندا ءيىن تىرەسىپ تۇر­دى. وزىنەن ءدارىس الۋعا, ءتىپ­تى قولتاڭبا الۋعا نيەتتى جان­كۇيەرلەرىنىڭ الدىندا گەنا بوكسشى قولىنا قولعاپ كيىپ, قۇم تولتىرىلعان قاپتى دا, وزىنە ەلىكتەپ, ءىزىن باسار ءىزباسارلارىن دا سوققىلاعان جوق. – بوكس – توبەلەس ەمەس, ەش­قاشان سولاي بولعان دا ەمەس. مۇنى بوكسشى بولۋعا ۇمتىلعان ءار جەتكىنشەككە بىردەن ۇعىندىرۋ كەرەك, – دەپ ساڭق ەتتى گەننادي گولوۆكين. – بوكس – ونەر! ال ونەردى يگەرۋ جولى اۋىر, ماقساتى بار ادام عانا ونى مەڭگەرە الادى. ءار ادام ومىردە الدىنا ماقسات قويا­تىن بولسا, سپورتتا دا ءدال سونداي مۇرات قويا ءبىلۋ قاجەت. ماق­سات-مۇراتسىز ەشكىم ەشقانداي تابىسقا دا, جەتىستىككە دە جەتە ال­مايدى. اسىرەسە, بوكستا بيىك بەلەس­تى باعىندىرعىسى كەلگەندەر ءار قادامىن مىقتاپ ويلانۋى كەرەك. گەننادي گولوۆكيننىڭ ءپى­كىرىن­شە, بوكسشىلارعا ادال­دىق, شىن­شىلدىق قاجەت. «مەن جاتتىعۋ زالىندا توككەن ت­ەرىمنىڭ جەمىسىن كورىپ ءجۇرمىن. جات­تىقتىرۋشىنىڭ اقىل-كەڭەسى عانا بيىككە جەتە­لەيدى», دەپ ۇدايى باپكەرىنە قۇرمەتپەن قارايتىنىن ءبىلدىردى. جولداسبەك شوپەعۇل, «ەگەمەن قازاقستان» اتىراۋ