«التىن ادام» بارلىق ءوڭىردى ارالايدى

قازاقستان رەسپۋبليكاسى ۇلت­تىق مۋزەيى ۇجىم تاۋەل­سىز­دىك­تىڭ 25 جىلدىعىنا وراي «ۇلت­تىق مۋزەي سەنىڭ قالاڭدا» تاقى­رى­بىندا مادەني تۋر جوباسىن قول­عا الدى. وسى جوباعا سايكەس ال­عاش­قى بەتاشار شارا باتىس قازاق­ستان وبلىستىق اكىمدىگىنىڭ قول­­داۋىمەن ورال قالاسىندا باس­تا­لىپ كەتتى. مۇنداعى مادەني تۋر باع­دارلامالارى ءۇش كۇنگە سوزىلماق. بۇدان كەيىنگى كەزەكتە ءوز باس­تاۋىن ورال وڭىرىنەن العان اتالمىش ىرگەلى جوبا ەلىمىزدىڭ بارلىق ايماعىن قامتيدى دەپ كۇتىلۋدە. ءوزىنىڭ ءمانى مەن مازمۇنى, تاريحي قۇندىلىعى جانە كورۋشىلەر مەن تاماشالاۋشىلارعا بەرەتىن اسەرى تۇرعىسىنان مادەني-تانىمدىق ساياحاتتىڭ ماڭىزدى تۇستارى از ەمەس. سونىڭ ءبىرى ءارى بىرەگەيى – تاۋەلسىز قازاقستاننىڭ برەندىنە اينالعان «التىن ادام» جادىگەرى دەۋگە بولادى. وسىلايشا «التىن ادام», جوعارىدا ايتىلعانداي, تاۋەلسىزدىگىمىزدىڭ 25 جىلدىق تورقالى تويىنا دەيىن كەڭ بايتاق ەلىمىزدىڭ بارلىق تۇكپىرىن ارالاپ وتەدى دەپ جوسپارلانىپ وتىر. ەلىمىزدىڭ باتىس قاقپاسىنان, ەۋروپا مەن ازيا قۇرلىقتارىنىڭ تۇيىسكەن تۇسىنان باستاۋ العان ءىس-شارا بارىسىندا كورەرمەن قاۋىم نازارىنا «ۇلتتىق مۋزەيگە ساياحات» جانە 3د گرافيكالىق بەينەروليكتەرى ۇسىنىلماق. بۇل ماڭىزدى شاراعا رەسمي تۇلعالار, مۋزەي ءىسىنىڭ ماماندارى جانە قالىڭ جۇرتشىلىق وكىلدەرى قاتى­سادى دەپ بەلگىلەنگەن. ۇلتتىق مۋزەي – وتكەن تاري­حى­مىز­دى بايىپ­تاپ, رۋحاني مۇرا­مىز­دى زەردە­لەيتىن جانە بۇگىنگى دامۋى­مىزدى باعامدايتىن ءىرى مادەني ورتالىق. وتانى­مىزدىڭ باي تاريحىن تۇگەندەۋ, ونىڭ باياندى ءداستۇرى مەن شەجىرەسىن تانىستىرۋ, كونەنى كوزدىڭ قاراشىعىنداي ساقتاۋ بارشا قازاقستاندىقتاردىڭ اينىماس پارىزى ەكەنى بەلگىلى. وسى پارىزدى ۇعىندىرۋعا ۇلتتىق مۋزەي قىزمەتشىلەرىنىڭ تيگىزىپ وتىرعان ىقپالى از ەمەس. بارشا وتانداستارى­مىز وسى پارىزدى تەرەڭ ءتۇيسى­نىپ, تەرەڭ تۇردە زەردەلەي السا, تاۋەلس­ىز­دىگىمىزدىڭ قادىر-قاسيەتىن دارىپتەيتىن جادىگەر­لەر­دىڭ تىلسىم سىرى دا عاسىرلار قوي­ناۋىنان سۋىرىلىپ اشىلا تۇسپەك. ورال قالاسىندا باستالعان مادەني تۋر جوباسىنىڭ اشىلۋ ءراسىمى كەزىندە وعان جينالعان كوپ­­شىلىك قاۋىم «ال­تىن ادام» ەكسپوناتىن تاماشالادى. تەمىر قۇسايىن, «ەگەمەن قازاقستان» ورال