باتىس قازاقستاندا «التىن بەلگى» يەگەرلەرى ماراپاتتالدى

ورال قالاسىنىڭ سالتانات سارايىندا باتىس قازاقستان وبلىسىنىڭ اكىمى التاي كولگىنوۆ وبلىستىڭ جانە ورال قالاسى مەكتەپتەرىنىڭ «التىن بەلگى» يەگەرلەرىنە توسبەلگىلەرىن سالتاناتتى تۇردە تابىس ەتتى. بۇل تۋرالى zhaikpress.kz-كە سىلتەمە جاساعان egemen.kz ءتىلشىسى حابارلادى. «التىن بەلگىگە» ۇمىتكەر 90 وقۋشى ءوز بىلىمدەرىن دالەلدەسە, 167 تۇلەك ۇزدىك اتتەستات يەگەرى اتاندى. ءبىلىم گرانتىن يەلەنۋگە كونكۋرسقا قاتىسۋعا شەكتى دەڭگەيدەن وتە الماعاندار سانى – 436 تۇلەك. وبلىس بويىنشا ەڭ جوعارى 125 بالدى قاراتوبە اۋدانى, قاراتوبە مەكتەپ-گيمنازياسىنىڭ تۇلەگى اقنۇر بەركىنوۆا جينادى. 22 تۇلەك حالىقارالىق وليمپيادانىڭ جەڭىمپازدارى رەتىندە ۇبت-دان بوساتىلدى. 2016 جىلى ۇبت-عا 4 514 مەكتەپ ءبىتىرۋشىنىڭ 3 322-ءسى قاتىسىپ, جالپى تۇلەكتەردىڭ 73,59 پايىزىن قۇرادى.ۇبت قورىتىندىسى بويىنشا, ورتاشا جيناق بالل – 82,11, رەسپۋبليكالىق كورسەتكىش – 81,2 بالل. بيىل وبلىس كولەمىندەگى 231 مەكتەپتە 4514 تۇلەك اتتەستاتتارىن الادى. تەمىر قۇسايىن. دەرەك, فوتو: zhaikpress.kz.