ورماندا قالىپ قويعان بالانى ءبىر يت امان ساقتاپ قالدى

گرۋزيانىڭ ۋزۋنتا سەلوسىنىڭ ماڭىنداعى ورماندا اداسىپ كەتكەن جەتى جاسار ۇل بالانى ءبىر توبەت يت امان ساقتاپ قالدى. تبيليسي قالاسىندا تۇراتىن كىشكەنتاي لۋكا وميادزە مۇندا اجەسىنىڭ ۇيىنە قىدىرىپ كەلگەن ەكەن. ول بىرنەشە كۇنى كورشى بالالارمەن فۋتبول ويناپ, وزەنگە بارىپ جۇرەدى. كەنەت ءبىر كۇنى ول اياق استىنان جوق بولىپ كەتەدى. اجەسى كەشكە ۇيگە كەلمەگەن نەمەرەسىن ىزدەپ شىعادى. بىراق قايدا سەلونىڭ اينالاسىنداعى بارلىق جەردى ءسۇزىپ شىققانىمەن, بالا تابىلمايدى. سوسىن ساعات 23:00 شاماسىندا ايەل پوليتسياعا تەلەفون شالىپ, نەمەرەسىنىڭ جوعالىپ كەتكەنىن حابارلايدى. پوليتسيا ساربازدارى بىرنەشە مينۋتتان كەيىن ۋزۋنتا سەلوسىنا جەتىپ كەلەدى. ولار بالانى ىزدەۋ ءۇشىن پوليتسيا قىزمەتكەرلەرىنەن, ءورت سوندىرۋشىلەردەن, جەرگىلىكتى اكىمدىك قىزمەتكەرلەرى مەن ەرىكتىلەردەن ارنايى جاساق قۇرادى. ىزدەۋشىلەر تەك تاڭ الدىندا عانا ءۇستى-باسى ابدەن سۋ بولعان, قاتىپ توڭىپ قالعان, ءبىر ءيتتى قۇشاقتاپ وتىرعان لۋكانى ورمان ىشىنەن تاۋىپ الادى. بالانىڭ ايتۋىنشا, ول جاڭبىر جاۋىپ كەتكەن كەزدە كەزدەسكەن. يت  ءتۇنى بويى بالاقايعا جابىسىپ, ونى ءوزىنىڭ دەنە قىزۋىمەن جىلىتىپ وتىرعان. تالعات رايىمبەك. دەرەك, فوتو: ras.kz.