قىزىلوردادا بەلگيانىڭ ءىرى كولىك كومپانياسى زاۋىت سالادى

شەتەل كاسىپكەرلەرى كوپ جىلداردان بەرى قازاقستانعا ينۆەستيتسيا قۇيۋدا تارتىنىپ كەلە جاتقان جوق. ولار ەلىمىزدىڭ بارلىق دەرلىك ايماقتارىنا كەلىپ جاتىر. سولاردىڭ ءبىرى – بەلگيانىڭ VanHool اتتى كولىك كومپانياسى رەسپۋبليكاعا ينۆەستيتسيا اكەلۋگە نيەت ەتىپ وتىرعانىن ءبىلدىردى. وسى كومپانيانىڭ ديرەكتورى گەرت ۆان حەككە «حابار» تەلەارناسىنىڭ تىلشىسىنە بەرگەن سۇحباتىندا وسىنى جەتكىزدى. ول ءوز سوزىندە قازاقستاندا اۆتوبۋس شىعارۋ ءىسىن قولعا العىسى كەلەتىنىن ايتتى. سونىڭ ىشىندە قىزىلوردا وبلىسىندا قازاقستانمەن بىرىككەن زاۋىت سالماقشى. «ءبىز قازىرگى زامانعى كولىك قۇرالدارىن شىعارىپ قانا قويماي, سونىمەن قاتار جەرگىلىكتى تۇرعىنداردى وسى كاسىپكە وقىتۋدى جوسپارلاپ وتىرمىز. مۇندا تەڭ سەرىكتەستەر رەتىندە بيزنەس جۇرگىزگىمىز كەلەدى. وسى كەزگە دەيىن ءبىز شىعارعان كولىكتەر ەۋروپا مەن اقش-تا تانىمال بولىپ كەلدى. ال ورتالىق ازياعا ەندى قادام باسقالى وتىرمىز. بىرىگىپ شىعاراتىن قازاقستاندىق قۇرالدىڭ الەم نارىعىن جاۋلاپ الۋى ءۇشىن كۇش سالامىز», - دەدى ول سۇحباتىندا. تالعات رايىمبەك. دەرەك, فوتو: حابار.