رۇقسات ەتىلمەگەن ءدىني كىتاپتار ساتۋشى ايىپقا تارتىلدى

اتىراۋ. 31 مامىر. اتىراۋ قالالىق مامانداندىرىلعان اكىمشىلىك سوتى رۇقسات ەتىلمەگەن ءدىني كىتاپتاردى ساتۋشىعا 74 235 تەڭگە ايىپپۇل سالدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «ءىس-قۇجاتتارىنان انىقتالعانداي, قۇقىق بۇزۋشى اتىراۋ قالاسىنداعى «پوداركي» دۇكەنىنىڭ باسشىسى بولا تۇرا, جەرگىلىكتى اتقارۋ ورگانىنا تىركەلمەي, ءدىني كىتاپتاردى جانە ءدىني باعىتتاعى زاتتاردى ساتۋعا ارنالعان ارنايى رۇقسات بەرەتىن قۇجاتىنسىز 4 ء(تورت) دانا ءدىني كىتاپتاردى ساتقان. ءدىني قىزمەت جانە ءدىني بىرلەستىكتەر تۋرالى زاڭدىلىقتاردى بۇزعاندىعى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 490-بابىنىڭ 1-بولىگىندەگى 3-تارماقشاسىمەن اكىمشىلىك جاۋاپكەرشىلىككە تارتىلعان», – دەيدى وبلىستىق سوتتىڭ ءباسپاسوز حاتشىسى بورانباي عاليەۆ. سوت رۇقسات ەتىلمەگەن ءدىني كىتاپتاردى ساتقان قۇقىق بۇزۋشىنى كىنالى دەپ تانىدى. وعان اكىمشىلىك قۇقىق بۇزۋشىلىق تۋرالى كودەكستىڭ 819-بابىنىڭ 2-بولىمىنە ساي, اكىمشىلىك ايىپپۇلدىڭ جالپى سوماسىن وتىز پايىزعا قىسقارتىپ, 74 235 تەڭگە ايىپپۇل سالۋ جازاسىن تاعايىندادى. سونىمەن بىرگە, قۇقىق بۇزۋشىنىڭ قىزمەتى 3 اي مەرزىمگە توقتاتىلدى. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. فوتو: altaynews.kz.