قۇربان بەردىەۆ «سپارتاكتىڭ» باس جاتتىقتىرۋشىسى بولدى

استانا. 30 مامىر. بۇگىن بەلگىلى فۋتبول مامانى قۇربان بەردىەۆ ماسكەۋدىڭ «سپارتاك» كلۋبىنا باس جاتتىقتىرۋشى بولىپ تاعايىندالدى. بۇل تۋرالى egemen.kz ءتىلشىسى حابارلادى. بەردىەۆ بىلتىردان بەرى دونداعى روستوۆ قالاسىنىڭ رەسەي پرەمەر-ليگاسىندا وينايتىن «روستوۆ» كلۋبىن جاتتىقتىرىپ كەلگەن بولاتىن. ەندى «سپارتاكتىڭ» باس باپكەرى دميتري الەنيچەۆتى الماستىرىپ وتىر. قۇربان بەردىەۆ «روستوۆ» كومانداسىن 2014 جىلدان بەرى جاتتىقتىرىپ, بيىلعى ماۋسىمدا رەسەي چەمپيوناتىنىڭ كۇمىس مەدالىن جەڭىپ العان. وسىنىڭ ارقاسىندا كلۋب العاش رەت چەمپيوندار ليگاسىندا ونەر كورسەتۋگە مۇمكىندىك الدى. ونىڭ ەسىمى قازاق فۋتبولىمەن دە تىعىز بايلانىستى. ول 1981-1985 جىلدارى جانە 1993 جىلى الماتىنىڭ «قايرات» كلۋبىندا ويناسا, 1986-1989 جىلدارى تارازدىڭ «حيميك», 1991-1993, 1994-1995 جىلدارى «قايراتتى», 1996-1997 جىلدارى اقتاۋدىڭ «مۇنايشى» كومانداسىن جاتتىقتىرعان. داستان كەنجالين. دەرەك, فوتو: sportbox.ru