باسىم باعىتتار باعدارى

ەلباسىنىڭ ءدۇيىم جۇرتقا جول تارتقان «100 ناقتى قادام» – ۇلت جوسپارى بويىنشا, 97-قادامدا ايقىندالعان «ءوزىن-ءوزى رەتتەۋ مەن جەرگىلىكتى ءوزىن-ءوزى باسقارۋدى دامىتۋ ارقىلى ازاماتتاردىڭ شەشىمدەر قابىلداۋ ۇدەرىسىنە قاتىسۋ مۇمكىندىگىن كەڭەيتۋ. مەملەكەتكە ءتان ەمەس قىزمەتتەردى باسەكەلەستىك ورتاعا جانە ءوزىن-ءوزى رەتتەۋشى ۇيىمدارعا بەرۋ» تاپسىرماسى بويىنشا پرەزيدەنت جانىنداعى ورتالىق كوممۋنيكاتسيالار قىزمەتىندە بريفينگ ءوتتى. بۇل رەتتە ۇلتتىق ەكونوميكا مينيسترلىگى كاسىپكەرلىكتى دامىتۋ دەپارتامەنتىنىڭ ديرەكتورى عاليا جولدىباەۆا اتالعان تاپسىرما اياسىندا ورىندالعان جۇمىس بارىسىمەن تانىس ەتتى. ۇلت جوسپارىندا ايقىندالعان وسى ماسەلە بويىنشا «ءوزىن-ءوزى رەتتەۋ تۋرالى» زاڭنىڭ قابىلدانعانىن ەسكەرە كەلە, ونىڭ مەملەكەتتىك رەتتەۋدىڭ كەلەڭسىز اسپەكتىلەرىن جويۋعا, وتاندىق تاۋارلار, جۇمىستار مەن كورسەتىلەتىن قىزمەتتەر ساپاسىن ارتتىرۋعا, سونداي-اق, نارىققا قاتىسۋشىلار­دىڭ تۇتىنۋشىلار الدىندا جاۋاپ­­كەر­شىلىگىن كۇشەيتۋگە مۇمكىندىك بەرەتىنىن اتاپ ايتتى. جانە دە وسى زاڭ شەڭبەرىندە كاسىپكەرلىك پەن كاسىبي قىزمەتتى رەتتەۋدىڭ جاڭا ينستيتۋتىنىڭ ەنگىزىلىپ جات­قانىن اتاپ كەتكەن ماڭىزدى. زاڭ كاسىپكەرلەر مەن كاسىپقويلارعا سالانى رەتتەۋگە تىكەلەي قاتىسۋ ارقىلى نارىقتا ويىن ەرەجەلەرىن جانە تالاپتاردى ءوز بەتىنشە ايقىنداۋعا مۇمكىندىك بەرەدى, دەدى. سونىمەن قاتار, زاڭمەن ەرىكتى جانە مىندەتتى مۇشەلىككە نەگىزدەلگەن ءوزىن-ءوزى رەتتەۋدىڭ ەكى ءتۇرى انىقتالاتىنىن, ەرىكتى ءوزىن-ءوزى رەتتەۋ مەملەكەتتىك رەتتەۋمەن بىرگە ارەكەت ەتىپ, ءوزىن-ءوزى رەتتەۋ سۋبەكتىلەرىنە جانە ولاردىڭ قىزمەتىنە زاڭنامامەن بەلگىلەنگەن تالاپتاردان جوعارى تالاپ ورناتاتىنىن كولدەنەڭ تارتتى. مىندەتتى ءوزىن-ءوزى رەتتەۋ سا­لالىق زاڭدارمەن ەنگىزىلەدى جانە مەملەكەتتىك فۋنكتسيالاردى ىسكە اسىرۋمەن نەمەسە مەملەكەتتىك ورگاندارمەن ورىندالاتىن بەل­گىلى ءبىر فۋنكتسيا­لاردى ءبولۋ قا­جەتتىلىگىمەن بايلانىستى. زاڭنىڭ 23-بابىنا سايكەس, بارلىق رەتتەۋ ورگاندارى 2017 جىلعى مامىرعا دەيىن كاسىپكەرلىك نەمەسە كاسىبي قىزمەت سۋبەكتىلەرىنىڭ مىندەتتى مۇشەلىگىمەن قول­دانىستاعى كوم­مەرتسيالىق ەمەس ۇيىمدار بازاسىندا مىندەتتى ءوزىن-ءوزى رەتتەۋ ۇيىمدارىن قۇرۋعا باعىتتال­عان شارالاردىڭ قابىلدانۋىن قام­تاماسىز ەتۋى ءتيىس, دەدى ع.جولدىباەۆا. ەلميرا ماتىباەۆا, «ەگەمەن قازاقستان»