تىلەك بىلدىرۋشىلەر كوپ

بۇگىندە قالاداعى جەر قاتى­ناستارى ءبولىمى سوڭعى ايلاردا كۇن-ءتۇن دەمەي, ءتىپتى, دەمالىسسىز جۇمىس ىستەۋگە كوشىپتى. بيىل­دىڭ ءوزىن­دە قالا تۇرعىندارىنىڭ جەر الۋعا دەگەن كەزەگى ەكى ەسەگە ۇل­عايعان. بۇنىڭ سىرىن ەشكىم تۇسىندىرە الار ەمەس, دەگەنمەن جەر حالىقتىكى جانە ونىڭ يەسى تابىلۋى ۇلكەن جەتىستىك. قالا اكىمىنىڭ ورىنباسارى قايرات ەرەمبەسوۆ­تىڭ ايتۋىنشا, كەزەككە تۇرعان 10 000 سەمەيلىك جەر الۋعا نيەت ءبىلدىرىپتى. سوڭعى ءتورت ايدا سەمەيدە جەر الۋ­عا 5 مىڭ ءوتىنىش تۇسكەن. – 2003 جىلدان باستاپ جەر كودەكسىندەگى باپ بويىنشا, قازاق­ستاننىڭ بارلىق ازاماتتارىنا جەكە قۇرىلىس نىسانىن سالۋعا 10 سوتىق جەر تەگىن بەرىلەدى, – دە­­­دى قايرات ەرەمبەسوۆ, – بىراق, پروب­لەمانىڭ ءبارى وسىدان كەلىپ شىعادى. جەكە ۇيلەر, شاعىن اۋ­دان­دار سالىنعانمەن, ول جەرلەر­دە نە اۋىز سۋ, جارىق, ياعني ينف­را­­­­­­قۇ­رىلىم بولماعاندىقتان, بۇل كۇندەرى حالىق تۇرمىستىق-الەۋ­مەت­تىك تاۋقىمەتكە كەزدەسىپ وتىر. سون­دىقتان دا 2007 جىلى قالانىڭ شەتىندەگى سۋ قۇبىرى مەن ەلەكتر ەنەرگياسى جوق تۇستارىنان جەر الۋعا موراتوري جاريالاندى. دە­سەك تە, الداعى ۋاقىتتا بۇرىنعى ول­قىلىقتاردى قايتالاماس ءۇشىن قالا شەتىندەگى ءتورت جاڭا اۋداندا ينجەنەرلىك جۇيەنىڭ قۇرىلىس جۇمىستارى باستالىپ كەتتى. – سەمەيدىڭ 2011 جىلى بەكى­تىل­گەن باس جوسپارى بويىنشا, جەكە­مەنشىك ءۇي سالۋعا 4 جاڭا شاعىن اۋدان بەلگىلەنگەن. بۇل كومپوسەلەك, اقساي, ۇشاقتار جانە سۋىق بۇ­لاق, – دەدى سەمەيدىڭ ساۋلەت جانە قۇ­­­­­رى­لىس ءبولىمىنىڭ جەتەكشىسى قالدىبەك قوقيلانوۆ. – الدىن الا ەسەپتەۋلەرىمىزگە قاراعاندا, بۇل شاعىن اۋدانداردا 4 مىڭ جا­ڭا جەر تەلىمدەرى بەرىلەدى حالىق يگى­­­لىگىنە. ءبىز شۇعىل تۇردە وسى جانە قوسىمشا قورداعى شاعىن اۋدانداردا جۇرگىزىلەتىن ينجەنەرلىك ينفراقۇرىلىمداردىڭ جوبالاۋ-سمەتالىق قۇجاتتارىن دايىندايتىن بولامىز. قوسىمشا جارقىن شاعىن اۋدانى مەن اققايىڭ شاعىن اۋدانىنىڭ اراسى, ناقتى ايتقاندا, اققايىڭ مەن پتيچنيكتىڭ اراسىندا الداعى ۋاقىتتا جەر بەرۋ ماسەلەسى قاراستىرىلادى. قاراعايلى شاعىن اۋدانىنداعى قازىردە قىزۋ تۇردە قۇرىلىسى جاندانىپ جاتقان ين­جەنەرلىك ينفراقۇرىلىمنىڭ اياق­تالۋىنا وبلىستىق بيۋدجەتتەن 2,5 ملرد. تەڭگە 2016 جىلى ءبولىندى. – وسى جۇمىستار اياقتالعاننان كەيىن عانا قالا اكىمدىگى كەزەكتە تۇرعاندارعا جەر تەلىمدەرىن الۋ­عا رۇحسات قۇجات بەرەدى, – دەدى قاي­رات ەرەمبەسوۆ, – بىراق, بۇل 2017 جىل­دىڭ ەنشىسىندەگى شارۋالار. جەر ماسەلەسى بويىنشا قالا­لىق جەر قاتىناستارى ءبولىمىنىڭ باس­شى­سى سۇلەيمەن مەدەۋوۆ بىلاي دەدى: – بۇل كۇندەرى قازاقستاندا 10 سوت­تىق جەر بەرۋ ماسەلەسى قارا­لىپ جاتىر. سەمەيگە كەلەتىن بول­ساق, قالا بويىنشا 10 مىڭ ادام شا­ماسىنداعى تۇرعىن تىزىمگە الىن­عان. بارلىق تىركەۋگە الىنعان وتىنىشتەر ارنايى قۇرىلعان كو­ميس­­­­سيا­نىڭ قاراۋىنان وتەدى. سودان كەيىن عانا ناقتى شەشىم شى­عارىلادى. بىراق, ۇيلەرىن سالۋىن سالىپ الىپ, سۋسىز, جارىقسىز وتىرۋ بۇل دا كۇردەلى ماسەلە. سون­دىقتان دا بەرىلەتىن جەرلەرگە الدىمەن قۇبىرلار, ەلەكتر جەلى­لەرى تارتىلىپ, سودان كەيىن عانا حالىق يگىلىگىنە بەرىلەدى. راۋشان نۇعمانبەكوۆا سەمەي