بالاباقشادان... «بال جالاعان»

قازاقتا «بال ۇستاعان بار­ماعىن جالايدى» دەگەن ءسوز بار. بىراق بيۋدجەتتىڭ ازىن-اۋلاق قارجىسىنا قاراپ وتىرعان بالالار باقشاسىن «بالدى مەكەن» دەپ ايتا الماساق كەرەك. دەگەنمەن, سول بولار-بولماس قارجىنىڭ ءوزى­نەن قىمقىرىپ قالۋدى ار كور­مەيتىن اعايىندار بولادى ەكەن. قىزىلوردا وبلىسى, سىر­داريا اۋدانىنىڭ پروكۋراتۋرا قىزمەتكەرلەرى ن.ءىلياسوۆ اۋى­لىنداعى «بالدىرعان» با­لالار باقشاسىنىڭ بيۋدجەت قارجىسىن جاراتۋداعى ارە­كەتتەرىنە تەكسەرۋ جاساعاندا, سۋىق قولداردىڭ قيمىلى بار ەكەنى بىردەن انىق­تالىپ شى­عا كەلدى. قۇقىق قورعاۋ ور­گان­­دارىنىڭ وكىلدەرى مۇندا بيۋد­جەتتىڭ 2 052 786 تەڭگە قار­­جى­سىنىڭ كولدەنەڭ قالتاعا ءتۇ­سىپ كەت­كەنىن انىقتادى. سوندىقتان «بالدىرعان» بالابا­قشاسى مەملەكەتتىك كوم­مۋنالدىق قازىنالىق كاسى­پور­نىنىڭ لاۋازىمدى تۇل­عالارىنىڭ ارەكەتىندە قىلمىستىق كو­دەكستىڭ 189-با­بى, 3-بولىگىنىڭ 2-تار­ماعىندا كوزدەلگەن قىل­مىس بەلگىلەرى بار دەپ تابىلىپ, اۋداندىق پروكۋراتۋرا ءتيىس­تى قۇجاتتاردى سوتقا دەيىنگى تەرگەپ-تەكسەرۋدىڭ بىرىڭعاي ءتىزى­لىمىنە تىركەدى. ال اۋداندىق سوتتىڭ ۇكىمىمەن بالاباقشانىڭ بۇرىنعى مەڭگە­رۋشىسى ا.ايداربەكوۆاعا باس بوس­تان­دىعىن 5 جىلعا شەكتەۋ, ەسەپ­شىسى ب.كەلىسوۆاعا 3 جىلعا شارتتى تۇردە سوتتالۋ جازالارى كەسىلدى.   مۇرات ايتقوجا