قالدىق سۋ قاتەرى

تاياۋدا «كازتسينك» جشس-ءنىڭ ريددەر تاۋ-كەن بايىتۋ كەشەنى فابريكالارىنىڭ بىرىندە توتەنشە وقيعا ورىن الدى. فابريكاعا قاراستى وندىرىستىك قالدىقتار جينالعان تالوۆسكي قويماسىنداعى سورعى ستانساسىنىڭ قابىلداۋ ارناسىنا كوپ مولشەردە سۋ كەلىپ جاتقانى انىقتالىپ, سونىڭ سالدارىنان ونىڭ جارتىسى فيليپپوۆكا وزەنىنە قۇيىلا باستاعان. كەشىكپەي توتەنشە وقيعانىڭ سەبەپتەرىن انىقتاۋ شارالارى باستالدى. «كازتسينك» جشس ءباسپاسوز قىزمەتىنىڭ حابارلاۋىنشا, باستاپقىدا قولدانىستاعى سۋ قابىلداۋ كوللەكتورى مەن سۋ قابىلداۋ قۇدىعىنىڭ جۇمىسىندا قانداي دا ءبىر كىنارات بايقالا قويمادى. تالوۆسكي قويماسىنداعى سۋ دەڭگەيىنىڭ جوعارىلىعىنا بايلانىستى اپاتتىڭ كوزىن انىقتاۋ مۇمكىن بولماعاندىقتان, ماماندار جەدەل تۇردە توعان دەڭگەيىن تومەندەتتى, بايىتۋ فابريكاسىنىڭ قۇرىلعىلارى توقتاتىلدى. اپاتتى جويۋ جونىندەگى ارنايى شتاب قۇرىلىپ, لاستانعان سۋدىڭ باس­تاۋىن ىزدەۋ جۇمىستارى ۇيىم­داستىرىلدى. قابىلدانعان شا­رالاردىڭ ناتيجەسىندە, تالوۆ­سكي قويماسىنان قۇيىلعان سۋدىڭ كوزدەرى انىقتالدى. قويما­داعى سۋ مەن قالدىقتاردىڭ استىڭ­عى قا­باتىندا قالعان سۋدى قابىل­داۋ قۇدىعىنىڭ قۇرىلىمى بۇ­زىل­­­عاندىقتان, قالدىققا تولى قوي­ىرتپاق قويمانىڭ كوللەك­تورى ار­قىلى سۋسىڭگىش كانالدى تولتىرىپ, فيلليپوۆكا وزەنىنە قۇيىلعانى بەلگىلى بولدى. مامانداردىڭ ايتۋىنشا, بۇل 1980-1990 جىلدارى گەر­مەتيكالانعان ەسكى قۇدىققا جاتادى. كومپانيانىڭ مالىمەتىنشە, قازىر بارلىق قاجەتتى شارالار اتقارىلۋدا. قازانشۇڭقىر ىسپەتتى قويما ورتاسىنداعى تەسىكتى بىتەۋگە قيىرشىق تاس, قۇممەن بىرگە 40 توننا تسەمەنت جۇمسالدى. ەسكى كوللەكتوردىڭ سىرتقا شىعاتىن بولىگى تاس ماتەريالدارىمەن بەكى­تىلدى. وعان 10 مىڭ تەكشە مەتر­گە جۋىق قيىرشىق قۇم توسەلدى. ءتاۋ­لىك بويى جۇرگىزىلگەن جۇمىستىڭ ناتيجەسىندە, قالدىق سۋدىڭ اعىنى توقتاتىلدى. بايىتۋ فابريكاسى قالپىنا كەلتىرۋ جۇمىستارى اياقتالعاننان كەيىن ىسكە قوسىلدى. ال تاۋ-كەن بايىتۋ كەشەنىنىڭ قالعان بولىمشەلەرى, ونىڭ ىشىندە كەنىشتەر شتاتتىق كەستەگە ساي جۇمىس ىستەپ جاتىر. – قويمادا قىشقىل جوق. تسيانيد – 1, مىرىش – 10-15, قور­عاسىن – 1, مىس – 4, مارگانەتس 7-8 شەكتى كونتسەنتراتسيا مولشەرىندە. نەگىزگى بولىگى تاۋدىڭ ديسپەرستى قويمالجىڭى. ونىڭ 50 پايىزى كرەمنيت, 30 پايىزى تەمىر, قالعاندارى 20 پايىزدى قۇرايدى, – دەدى كومپانيانىڭ باس ەكولوگى قازتاي تاكەەۆ. سونىمەن بىرگە, «كازتسينك» كومپانياسى نورمادان جوعارى قالدىقتار ءۇشىن كەل­تىرىلگەن شىعىندى مەملەكەتتىك ور­گانداردىڭ بەكىتىلگەن زاڭناماعا سايكەس انىقتاۋى بويىنشا تولى­عىمەن وتەيتىن بولادى. دۋمان اناش, «ەگەمەن قازاقستان» شىعىس قازاقستان وبلىسى, ريددەر قالاسى PS: وقيعا ورنىنان تۇسىرىلگەن بەينەجازبانى گازەتىمىزدىڭ سايتىنان كورە الاسىزدار.