بانكتەر قىزمەتى تۇراقتى

مەملەكەت باسشىسى نۇرسۇلتان نازارباەۆ  «سبەربانك روسسي» ااق پرەزيدەنتى جانە باسقارما توراعاسى گەرمان گرەفتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا بانك­تىڭ قازاقستانداعى قىزمەتىنىڭ ماسەلەلەرى, سونداي-اق, ەلدىڭ قار­جى سەكتورى مەن بانك جۇيەسىن ودان ءارى دامىتۋ پەرسپەكتيۆالارى تالقىلاندى. ەلباسى «سبەربانك» قازاقستان نارىعىندا 10 جىلدان بەرى جۇمىس ىستەپ كەلە جاتقانىن, وسى ۋاقىت ىشىندە رەسپۋبليكانىڭ جەتەكشى قارجى-نەسيە مەكەمەلەرىنىڭ بىرىنە اينالعانىن ايتتى. نۇرسۇلتان نازارباەۆ قازىرگى كەزدە كوپتەگەن ەلدەر مەن قارجى ينستيتۋتتارى قيىندىق كورىپ وتىرعانىن, پروبلەمالاردى شەشۋ جولدارىن بىرلەسە كۇش-جىگەر جۇم­ساۋ ارقىلى ىزدەستىرۋدىڭ ما­ڭىز­دى ەكەنىن اتاپ ءوتتى. گ.گرەف قازاقستان پرەزيدەنتىنە بانك سالاسىن دامىتۋ ماسەلەلەرىنە ۇدايى كوڭىل ءبولىپ وتىراتىنى ءۇشىن ريزاشىلىق ءبىلدىردى. – قازىرگى داعدارىس بىزگە جۇ­مى­سىمىزدا نەنى جاقسارتۋ كەرەكتىگىن سەزىنۋگە مۇمكىن­دىك بەردى. قيىندىقتارعا قاراماس­تان, بانك قىزمەتى بىلتىرعىعا قاراعاندا بيىل ايتارلىقتاي تۇراقتى بولدى. جالپى, داع­دارىس بىزگە تاياۋ كەزەڭدە ەلدەگى جۇمىسىمىزعا, اتاپ ايتقاندا, تاۋەكەل مەنەدجەمەنتىن جەتىل­دىرۋ جانە سوڭعى تەحنولوگيالار­دى انىقتاۋ سالاسىنداعى قىز­مەتىمىزگە ءبىرشاما وزگەرتۋ ەنگىزۋ قاجەتتىگىن ايقىن اڭداتىپ وتىر, – دەدى گ.گرەف.