ءبىز قانشامىز, قاندايمىز؟

قازاقستان حالقى 2030 جىلعا قاراي 20 ميلليونعا جەتەدى. بۇل تۋرالى استانا ەكونوميكالىق فورۋمى ايا­سىنداعى ءوسۋدىڭ جا­ڭا ءۇل­گىسىن ىزدەۋ جولىندا تاقىرى­بىنداعى سەسسيادا دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ءبىرجان نۇرىم­بەتوۆ مالىمدەدى. – دەموگرافيالىق بولجامدار بويىنشا, ەڭبەككە قابىلەتتى جاستاعى قازاقستان حالقىنىڭ جىل سايىنعى تابيعي ءوسىمى 2017-2018 جىلدارى 10 مىڭ ادامعا دەيىن تومەندەيدى. ال 2019 جىلدان باستاپ ءوسىم جوعارىلاي باستايدى. سونىمەن قاتار, 2020 جىلى ءوسىم شامامەن 25 مىڭ ادامعا جەتەدى. ال 2025 جىلعا قاراي جىل سايىنعى ءوسىم 100 مىڭ ادامنان اسادى. بۇل ەڭبەك نارىعىندا كۇردەلى جاعداي تۋىنداتقانىمەن, ەكونوميكالىق ءوسىم قارقىنىنا وڭ  ىقپال ەتەتىن بولادى, – دەدى ۆيتسە-مينيستر. ونىڭ ايتۋىنشا, الداعى ۋاقىتتا تابيعي ءوسىم مەن ادام­داردىڭ ءومىر ءسۇرۋ ۇزاق­تى­عىنىڭ ارتۋى سەبەپتى قازاق­ستان حالقىنىڭ جالپى سانى دا كوبەيەتىن بولادى. جيىن بارىسىندا ول بىرىككەن ۇلتتار ۇيى­مى ەكونوميكالىق جانە الەۋمەتتىك ىستەر دەپار­تامەنتىنىڭ بولجامدى ءمالى­مەت­تەرىن تىلگە تيەك ەتتى. مالىمەت­تەرگە جۇگىنەر بولساق, 2030 جى­لى قازاق­ستان حالقى 14 پايىزعا ءوسىپ, 20,1 ميلليون ادامعا ج­ەتە­تىن بولادى. – ۋاقىتتىڭ وسىناۋ سىن-قاتەرىنە جاۋاپ بەرۋ ءۇشىن ءبىز ىشكى ەڭبەك رەسۋرستارىن ءونىمدى جۇمىسقا تارتۋدى جوسپارلاۋدامىز. قازىرگى تاڭدا «جۇمىسپەن قامتۋدىڭ جول كارتاسى-2020 باعدارلاماسىن جۇزەگە اسىرىپ جاتىرمىز», – دەدى ول. ايتا كەتەيىك, ۇلتتىق ەكونوميكا مينيسترلىگى ستاتيس­تيكا كوميتەتىنىڭ حابارلاۋىنشا, قازاقستان حالقىنىڭ سانى مامىر ايىنىڭ باسىندا 17 ميلليون 733,1 مىڭعا جەتكەن. ايان ءابدۋالي, «ەگەمەن قازاقستان»