ءبىر كۇندە جەتپىس نارەستە

وبلىستا بالا تۋ كورسەتكىشى ارتىپ كەلەدى بيىلعى جىلدىڭ العاشقى كۇنى-اق جامبىلدىق «كىندىك شەشەلەر» دۇنيە ەسىگىن اشقان 35 ۇل مەن 35 قىزدىڭ كىندىگىن كەستى. ونىڭ ىشىندە تاراز قالاسىن­داعى №1 پەرزەنتحانادا - 15, پەريناتالدىق ورتالىقتا - 10 ءسابي دۇنيەگە كەلگەن. ال جىر الىبى جامبىل اتانىڭ اتىن يەمدەنگەن اۋداننىڭ انالارى 14 نارەستەنى ومىرگە اكەلىپتى. بالا تۋ بۇل كۇنى باسقا اۋدانداردا دا تىركەلگەن. دەنساۋلىق ساقتاۋ باسقار­ما­سى­نىڭ مالىمەتى بويىنشا, وتكەن جىلدىڭ ون ءبىر ايىندا وبلىس بويىنشا تۋ كورسەتكىشى بۇرناعى جىلدىڭ وسى كەزەڭىمەن سالىس­تىرعاندا 23,6%-دان 23,8 %-عا جو­عارىلاسا, بالا ءولىمى 17,9 %-دان 16%-عا ازايعان. بۇل  ءوڭىر­دەگى دە­موگرافيالىق احۋالدىڭ جاق­سا­رىپ, جەرگىلىكتى بيلىك تاراپىنان انا مەن بالا كۇتىمىنە ەرەكشە كو­ڭىل بولىنە باستاعانىن كورسەتەدى. كوسەمالى ساتتىباي ۇلى, جامبىل وبلىسى.