22 قاڭتاردا پرەمەر-مينيستر كارىم ءماسىموۆ ەۋروپا قايتا قۇرۋ جانە دامۋ بانكىنىڭ (ەقدب) باسقارۋشى كەڭەسىنىڭ جىل سايىنعى وتىرىسىن وتكىزۋ جانە ازىرلەۋ جونىندەگى ۇيىمداستىرۋ كوميتەتىنىڭ ءماجىلىسىن وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
اعىمداعى جىلدىڭ 20-21 مامىرىندا استانا قالاسىندا وتەتىن ەقدب جىل سايىنعى وتىرىسىن دايىنداۋ جونىندە ءىس-شارالار جوسپارى بەكىتىلدى, سونداي-اق وسى شارانىڭ اياسىندا وتەتىن ينۆەستيتسيالىق فورۋمعا دايىندىق ماسەلەلەرى تالقىلاندى.