يندۋستريا جانە جاڭا تەحنولوگيالار ۆيتسە-ءمينيسترى بەرىك كاماليەۆ باستاعان دەلەگاتسيا وبلىستا ەكى كۇندىك جۇمىس ساپارىمەن بولىپ قايتتى.
دەلەگاتسيا جۇمىس ساپارى بارىسىندا ۇدەمەلى يندۋستريالىق-يننوۆاتسيالىق باعدارلاما اياسىندا ىسكە قوسىلعان جانە جۇمىس ىستەپ تۇرعان بىرقاتار كاسىپورانداردىڭ جۇمىسىمەن تانىستى. ولاردىڭ قاتارىندا «اقتيۋبحيممونتاج» جشس-ءنىڭ پوليەتيلەن قۇبىرلارىن شىعاراتىن جاڭا زاۋىتى, اقتوبە مەتالل ەمەس قۇبىرلار زاۋىتى, «Izet Greenhous» جشس-ءنىڭ جىلىجاي كەشەنى, «ۆوسحود وريەل» جشس-ءنىڭ «ۆوسحود» كەنىشىندەگى جەر استى شاحتاسى, «KazCopper» جشس-ءنىڭ كاتودتى مىس ءوندىرۋ كەشەنى, «كازحروم»تۇك» اق-تىڭ ءدوڭ كەن بايىتۋ كومبيناتى جانە باسقالار بار. وبلىستاعى ۇدەمەلى يندۋستريالىق-يننوۆاتسيالىق جوبالاردىڭ قانشالىقتى جۇزەگە اسىپ جاتقانىمەن جانە شەشۋىن كۇتكەن ماسەلەلەرىمەن جەتە تانىسقان دەلەگاتسيا مۇشەلەرى ەكىنشى كۇنى وبلىستى ۇدەمەلى يندۋستريالىق-يننوۆاتسيالىق دامىتۋ بويىنشا ايماقتىق ۇيلەستىرۋ كەڭەسىنىڭ كەڭەيتىلگەن وتىرىسىنا قاتىستى. كەڭەس وتىرىسىندا وبلىس اكىمى ەلەۋسىن ساعىندىقوۆ استانالىق قوناقتاردى ءوڭىردىڭ ەكونوميكالىق دامۋ باعىتتارىمەن, سونداي-اق, يندۋستريالىق-يننوۆاتسيالىق جوبالاردىڭ جۇزەگە اسىرىلۋ بارىسىمەن تانىستىردى. وتىرىستا يندۋستريالاندىرۋ باعدارلاماسى بويىنشا 2010 جىلى جۇزەگە اسىرىلعان جوبالاردىڭ جوسپارلى قۋاتىنا شىعۋ, شاعىن جانە ورتا بيزنەس جوبالارىن ەسەپكە الا وتىرىپ, جاڭا جوبالاردى يندۋستريالاندىرۋ كارتاسىنا ەنگىزۋدىڭ ولشەمدەرى مەن ءادىس-تاسىلدەرىن ءتۇسىندىرۋ, اقتوبە وبلىسىنىڭ جاڭا جوبالارىن, 2011 جىلى ىسكە قوسىلاتىنىن ەسكەرە وتىرىپ, يندۋستريالاندىرۋ كارتاسىنا ەنگىزۋ, ايماقتىق يندۋستريالاندىرۋ ورتالىعى رەتىندە الەۋمەتتىك-كاسىپكەرلىك كورپوراتسيانى انىقتاۋ جانە باسقا ماسەلەلەر تالقىلاندى.
كەڭەس وتىرىسىندا ءسوز العان يندۋستريا جانە جاڭا تەحنولوگيالار ۆيتسە-ءمينيسترى بەرىك كاماليەۆ وبلىستاعى ۇدەمەلى يندۋستريالىق-يننوۆاتسيالىق جوبالاردىڭ جۇزەگە اسىرىلۋ بارىسىنا جاقسى باعا بەردى. ءوتكەن جىلدىڭ قورىتىندىسىمەن يندۋستريالىق-يننوۆاتسيالىق جوبالاردى جۇزەگە اسىرۋ كورسەتكىشى بويىنشا اقتوبە وبلىسىنىڭ ءبىرىنشى ورىندا ەكەنىن تىلگە تيەك ەتكەن ۆيتسە-مينيستر اقتوبەلىك بيزنەس قاۋىمداستىعىنىڭ ۇدەمەلى يندۋستريالىق-يننوۆاتسيالىق باعدارلاما بويىنشا سەرپىندى جۇمىس ىستەپ جاتقانىن اتاپ ءوتتى.
ساتىبالدى ءساۋىرباي.
اقتوبە وبلىسى.