بۇگىنگى كۇنگە دەيىن جامبىل وبلىسىنداعى م ۇلىكتى جاريا ەتۋ كوميسسيالارىنا جالپى جىلجىمايتىن م ۇلىك بويىنشا 5698 ءوتىنىش ءتۇسىپتى. ول وتىنىشتەردە جالپى سوماسى 29054,1 ملن. تەڭگەنى قۇرايتىن م ۇلىك كورسەتىلگەن. ناقتىراق ايتساق, ونىڭ ىشىندە 18200,5 ملن. تەڭگە كولەمىندەگى 4780 تۇرعىن ءۇي نىساندارى, سونداي-اق, 10853,5 ملن. تەڭگەنى قۇرايتىن 918 تۇرعىن ءۇي ەمەس نىساندارى بار. وسى ۋاقىتقا دەيىن جالپى سوماسى 25739,8 ملن. تەڭگەنى قۇرايتىن 4903 نىسان جاريا ەتۋ ءراسىمى ارقىلى زاڭداستىرىلدى.
– ەڭ باستىسى, اقشا جاريا ەتۋ ءراسىمى وڭايلاتىلدى, – دەيدى بۇل جونىندە جامبىل وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى اسقار تىنىسبەكوۆ. – ەندى اقشانى ەكى ءادىس ارقىلى زاڭداستىرۋعا بولادى. بانكتەگى شوتتا كورسەتۋگە جانە ءوزىنىڭ كەز كەلگەن قاجەتىنە جاراتۋعا بولادى. مىسالى, بيزنەسكە سالۋعا, جىلجىمايتىن م ۇلىك ساتىپ الۋعا نەمەسە شوتتان شىعارىپ الۋعا. بۇل ءۇشىن 10 پايىز الىم ۇستالمايدى. قازاقستان اۋماعىندا ورنالاسقان جانە قۇجاتتارى دۇرىس رەسىمدەلگەن جاعدايدا م ۇلىكتى زاڭداستىرۋ ءۇشىن تەك قانا مەملەكەتتىك كىرىستەر ورگاندارىنا ءتيىستى دەكلاراتسيانى تاپسىرۋ كەرەك. سونىمەن قاتار, وسى ەرەجەنى م ۇلىك شەت مەملەكەتتە ورنالاسقان جاعدايدا دا قولدانۋعا بولادى. ياعني, ورتاداعى ارتىق قۇرىلىم, مەملەكەتتىك كىرىستەر ورگاندارىنىڭ جانىنان ۇيىمداستىرىلعان كوميسسيالار جويىلدى.
– ەلباسى ن.نازارباەۆ «جاريا ەتۋ – بۇل سوڭعى مۇمكىنشىلىك, وسىدان كەيىن ەشقانداي جەڭىلدىكتەر بولمايدى. جاريا ەتۋ – بۇل جالپىعا بىردەي دەكلاراتسيانى ەنگىزۋ الدىنداعى سوڭعى مۇمكىندىك» دەگەن بولاتىن. جالپىعا بىردەي دەكلاراتسيانى ەنگىزۋ جانە جاريا ەتۋ مەرزىمى تۋرالى نە ايتاسىز, دەپ سۇرادىق ءبىز.
ءيا, شىنىندا, وسى اكتسيادان كەيىن بارلىق شەتەلدەگى شوتتار بويىنشا اقپاراتتار قايتا تەكسەرىلەدى. زاڭ بويىنشا شەتەلدەردە ەسەپ-شوتى بارى تۋرالى اقپاراتتى جاسىرعان جاعدايدا اكىمشىلىك جازا قولدانىلادى. سونىمەن قاتار, شەتەلدە م ۇلىگى بار تۇلعالاردى مىندەتتى تۇردە دەكلاراتسيانى وتكىزۋ كەرەكتىگىن حاباردار ەتەدى. جالپىعا بىردەي دەكلاراتسيالاۋ جۇمىستارى باستالۋىنا بايلانىستى م ۇلىك جانە قارجىعا راقىمشىلىق جاساۋ مەرزىمى 2016 جىلدىڭ 31 جەلتوقسانىنا دەيىن ۇزارتىلدى. م ۇلىكتى جاريا ەتۋ كەزەڭىندە بارلىق انىقتالعان مالىمەتتەر سالىق ورگاندارى مەن بانك قۇپياسى بولىپ سانالادى. سونداي-اق, م ۇلىكتى نەمەسە قارجىنى جاريا ەتۋ فاكتىسى بويىنشا قىلمىستىق ءىس قوزعاۋعا نەمەسە قىلمىستىق ءىس بارىسىندا دالەل رەتىندە پايدالانۋىنا تىيىم سالىنعان. جاريا ەتىلگەن م ۇلىككە تاركىلەۋ ءراسىمى قولدانىلمايدى, دەپ جاۋاپ بەردى ا.تىنىسبەكوۆ.
ورالحان ءداۋىت,
«ەگەمەن قازاقستان».
جامبىل وبلىسى.