الماتى وبلىستىق توتەنشە جاعدايلار دەپارتامەنتىنىڭ حابارلاۋىنشا, 2016 جىلعى 27 قاڭتار كۇنى سارسەنبىدە ءۇشارال اۋىلىنان اۋىر ناۋقاستى وبلىستىق اۋرۋحاناعا جەتكىزۋ ءۇشىن تالدىقورعانعا بەت العان MD-600 Helicopter تىكۇشاعى تۇماندى قارلى بوراننىڭ سالدارىنان اداسىپ كەتكەن. شۇعىل ىزدەستىرۋ جۇرگىزىلگەنىمەن, تالدىقورعاننان 18 شاقىرىم جەردەگى سايدا اپات بولعان تىكۇشاق ەرتەڭگى تاڭعى 8 ساعات 20 مينۋتتا ءبىر-اق تابىلدى. سانيتارلىق اۆياتسيا مەن «اسپان» اۋە كومپانياسىنىڭ ءمالىمەتى بويىنشا تىكۇشاقتاعى 5 ادام تۇگەل مەرت بولىپتى.
وسى كۇنى وقيعا ورنىنا ىشكى ىستەر مينيسترىنىڭ ورىنباسارى, گەنەرال-لەيتەنانت ۆلاديمير بوجكو جانە الماتى وبلىسىنىڭ اكىمى اماندىق باتالوۆ كەلىپ جەتتى. ءوڭىر باسشىسى تاراپىنان شۇعىل شەشىم قابىلدانىپ, قايتىس بولعانداردى جەرلەۋ ءراسىمى اتقارىلىپ, جانۇيالارىنا 1 ملن. تەڭگەدەن ماتەريالدىق كومەك كورسەتىلەتىن بولدى. ورىن العان وقيعا بويىنشا تەرگەۋ امالدارى ءجۇرگىزىلۋدە.
نۇربول الدىباەۆ,
«ەگەمەن قازاقستان».
الماتى وبلىسى.