تالدىقورعاندا پارلامەنت دەپۋتاتى سەرىك ۇمبەتوۆتىڭ «وي يىرىمدەرى» اتتى كىتابىنىڭ تۇساۋكەسەر ءراسىمى بولىپ ءوتتى. ونى الماتى وبلىستىق تىلدەردى دامىتۋ جونىندەگى باسقارماسىنىڭ باسشىسى احمەت كەندىربەك ۇلى اشىپ, جۇرگىزىپ وتىردى.
قالىپتاسقان ءداستۇر بويىنشا, وڭىردەگى اعا بۋىن وكىلدەرى كەزەكتەسە اتالعان كىتاپ تۋرالى ءوزىندىك وي-پىكىرلەرىن ايتىپ, كىتاپقا جاقسى باعالارىن بەردى. ارينە, كۇنى كەشە سەرىك ۇمبەتوۆپەن قىزمەتتەس بولىپ, ءتالىمدى ءىسىن, ەڭ باستىسى, قازاقى سالت-ءداستۇر, ادەت-عۇرىپ سىندى قۇندىلىقتاردى بەرىك ۇستاناتىندىعىن كوزدەرى كورىپ, ونەگە العان جاندار جۇرەكجاردى لەبىزدەرىن جارىسا اعىتتى. ءسويتىپ, دوڭگەلەك ۇستەل وتىرىسىندا اتپال ازاماتتىڭ ادامي اسىل قاسيەتتەرى مەن ءومىردىڭ وزىنەن ويىپ الىپ, ساراپتاپ, سارالاپ قاعازعا تۇسىرگەن ەڭبەگى تەڭ ءورىلدى. ول – زاڭدى قۇبىلىس. ولاي بولاتىنى كىتاپتىڭ اۆتورى سەرىك ۇمبەتوۆ ەسىمىنىڭ استىنا «وي يىرىمدەرى» دەگەن كىتاپ اتاۋىنىڭ قويىلۋى وتە لايىقتى ءھام جاراسىمدى. سەبەبىن دالەلدەپ جاتۋدىڭ ءوزى ارتىق.
التى تاراۋدان تۇراتىن كىتاپتاعى ءار تاقىرىپتىڭ استىندا جەتەلى وي جاتقانىن, رەتىنە وراي مەكتەپ وقۋشىلارى مەن ستۋدەنتتەردى ۇلتتىق رۋحتا تاربيەلەۋگە باستاۋ بولاتىندىعىن دا سويلەگەندەر جەتكىزە ايتا ءبىلدى. بۇل كىتاپتىڭ تاعى ءبىر ارتىقشىلىعى – دەرەكتەرىنىڭ ناقتىلىعى. ونى كىتاپسۇيەر قاۋىم اۆتوردىڭ قانداي جاعدايدا بولسىن كوكەيىنە ءدوپ كەلگەن ءسوزدى سول زاماتىندا قويىن داپتەرىنە ءتۇسىرىپ الاتىندىعىمەن راستادى. بىلە-بىلسەك, بۇل دا ۇلگى تۇتار ۇقىپتىلىق ەكەنى انىق. ومىردەن كورگەنى مەن تۇيگەنىنىڭ مولدىعىنىڭ تاعى ءبىر ايعاعى.
سونىمەن, دوڭگەلەك ۇستەل وتىرىسىن الماتى وبلىسى اكىمىنىڭ ورىنباسارى باقتيار ونەرباەۆ تولە ءبيدىڭ ەسكەلدى بيگە ۇلتتىق ۇلاعات تۇرعىسىندا بەرگەن باتاسىمەن بايلانىستىرا كەلىپ, ءسوزىن: «بۇل كىتاپ كۇندەلىكتى ومىرگە, اسىرەسە, يدەولوگياعا كەرەك تۋىندى ەكەن. وسى كىتاپ ارقىلى سەرىك ابىكەن ۇلىن تەرەڭىرەك تاني ءتۇستىم», دەپ تۇيىندەدى.
نۇربول الدىباەۆ,
«ەگەمەن قازاقستان».
تالدىقورعان.