قىزدار ۋنيۆەرسيتەتىنىڭ ماگيسترلەرى دە عىلىم كوكجيەگىنە جولداما الىپ وتىر. جاقىندا قازاق مەملەكەتتىك قىزدار پەداگوگيكالىق ۋنيۆەرسيتەتىندە جوعارى وقۋ ورنىنان كەيىنگى ءبىلىم بەرۋ نەگىزىندە ماگيسترانتتارعا سالتاناتتى ديپلوم تاپسىرۋ ءراسىمى ءوتتى.
ماگيسترلەر مەرەيىن اسىرعان مەرەكەلىك شارادا ۋنيۆەرسيتەت رەكتورى دينار نوكەتاەۆا قىزدار ۋنيۆەرسيتەتى ۇلتتىق اككرەديتتەۋ اگەنتتىگى بويىنشا قازاقستانداعى جوعارى وقۋ ورىندارىنىڭ اراسىنداعى رەيتينگ توپتاماسىندا 7-ورىنعا يە بولعانىن قۋانا جەتكىزدى.
بيىلعى شارانىڭ ەرەكشەلىگى, تۇڭعىش رەت ماگيستراتۋرا بويىنشا قوس ديپلومدى باعدارلاما اياسىندا شەتەلدىك جانە قازاقستاندىق ديپلومعا يە بولدى. مۇنداي باقىت – پەداگوگيكا جانە پسيحولوگيا ماماندىعى بويىنشا ايگەرىم جاقىپباەۆانىڭ ماڭدايىنا بۇيىردى. ول اقش-تىڭ ميسسيسسيپي القابى مەملەكەتتىك ۋنيۆەرسيتەتىنەن قوس ديپلومدىق باعدارلاماسى بويىنشا ديپلوم الىپ, «بالالاردى دامىتۋ ورتالىعىنا قوسقان ۇلەسى جانە قىزمەتى ءۇشىن» دەگەن سەرتيفيكاتپەن ماراپاتتالعان.
2014-2015 وقۋ جىلىندا ءبىلىم ورداسىندا 23 ماماندىق بويىنشا عىلىمي-پەداگوگيكالىق باعىتتا 171 ماگيسترانت ديپلوم الدى. ال, وقۋدا وق بويى وزىق شىعىپ, ۇزدىك وقىعان 30 ماگيسترانت ۋنيۆەرسيتەت رەكتورى قولىنان ديپلوم الدى. 70 جىلدىق تاريحى بار كيەلى قارا شاڭىراقتا مادەني-قوعامدىق ۇيىمداستىرۋ شارالارى مەن عىلىم سالاسىنا قوسقان ۇلەستەرى ءۇشىن بەلسەندى ماگيسترانتتارعا رەكتوردىڭ العىس حاتىن ءبىرىنشى پرورەكتور باحودير اليەۆ تابىستادى.
ايناش ەسالي,
«ەگەمەن قازاقستان».
الماتى.