الماتى. 21 مامىر. الماتىدا «ەير استانا» قازاقستاندىق جانە ەۋروپالىق اۆياتسيالىق وكىمەتىنىڭ سەرتيفيكاتىنا يە جانە EASA P147 ستاندارتتارىنا ساي ينجەنەرلەردى وقىتۋ ورتالىعىن اشتى. بۇل تۋرالى egemen.kz ءتىلشىسى حابارلادى.
وقىتۋ باعدارلامالارى 26 ينجەنەرلىك پاندەر بويىنشا, سونىمەن قاتار Airbus A320 تەحنيكالىق قىزمەت كورسەتۋ سالاسى باعىتىندا ۇسىنىلادى.
جاڭا وقىتۋ ورتالىعى ارقىلى اۋە كومپانياسى ءوز ينجەنەرلەرىن شەت ەلگە جىبەرۋدى قاجەت ەتپەيدى جانە قازاقستان مەن تمد ەلدەرىنىڭ وزگە اۋە كومپانيالارىنىڭ ماماندارىن دايىنداي الادى. بۇل – ەۋروپا اۆياتسيالىق وكىمەتىمەن سەرتيفيكاتتالعان ورتالىق ازياداعى تۇنعىش ورتالىق. تمد ەلدەرى اراسىنداعى ورتالىقتاردىڭ بەستەن ءبىرى عانا اتالعان سەرتيفيكاتقا يە.
ورتالىقتىڭ اشىلۋى الداعى ۋاقىتتا استانادا اۆياتسيا مەكتەبىن قۇرۋعا جاسالعان العاشقى ماڭىزدى قادام بولىپ تابىلادى. وندا باستاپقى دەڭگەيدە ينجەنەرلەردى وقىتۋ مۇمكىن بولادى.
دۋمان اناش,
دەرەك, سۋرەت: «ەير استانا» اق قوعاممەن بايلانىس دەپارتامەنتى.