وبلىستىق قازاقستان حالقى اسسامبلەياسىنىڭ حح سەسسياسى جۇمىسىنا قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ قاتىسىپ, ەل تۇراقتىلىعىن قامتاماسىز ەتۋدەگى ساياسي قۇرىلىمنىڭ رولىنە ەلباسىنىڭ جوعارى باعا بەرگەنىن اتاپ ءوتتى.
بارلىق دەڭگەيدەگى ەتنومادەني بىرلەستىكتەر جەتەكشىلەرى, ءدىني كونفەسسيا وكىلدەرى, مەملەكەتتىك ورگان باسشىلارى الدىندا وبلىستىق اسسامبلەيانىڭ توراعاسى, ايماق باسشىسى ەرىك سۇلتانوۆ بايانداما جاساپ, قازاقستان حالقى اسسامبلەياسىنىڭ توراعاسى نۇرسۇلتان نازارباەۆتىڭ «ءماڭگىلىك ەل: ءبىر ەل–بىر تاعدىر» تاقىرىبىندا قازاقستان حالقى اسسامبلەياسىنىڭ 20 جىلدىق مەرەيتويىنا ارنالعان ءححىى سەسسياسىندا سويلەگەن سوزىنەن تۋىندايتىن مىندەتتەرگە جان-جاقتى توقتالدى. ەل ەگەمەندىگىن العان كۇننەن باستاپ پرەزيدەنت تۇراقتىلىقتىڭ نەگىزى ەتىپ حالىقتىڭ تاتۋلىعىن قويدى. وسى جىلدارى قۇرىلعان قازاقستان حالقى اسسامبلەياسى قوعامدىق كەلىسىم مەن بىرلىك ينستيتۋتىنا اينالدى. ەتنوسارالىق تاتۋلىقتىڭ ارقاسىندا ەلىمىزدە ەكونوميكالىق, الەۋمەتتىك-ساياسي باعدارلامالار تابىستى جۇزەگە اسىرىلىپ كەلەدى. الدىمىزدا 5 حالىقتىق رەفورمانى ورىنداۋ سياقتى كەلەلى مىندەتتەر تۇر, دەي كەلىپ, شەشەن جەرگىلىكتى جەرلەردە اتقارىلىپ جاتقان ءىس-شارالارمەن تانىستىردى.
قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ە.توعجانوۆ ماڭگىلىك ەل يدەياسى ارقاۋىنا نەگىز بولعان قۇندىلىقتارىمىزدى وسكەلەڭ ۇرپاق بويىنا دارىتۋ ماسەلەسىنە ايرىقشا كوڭىل ءبولدى. ەلباسىنىڭ باستامالارى مەن تاپسىرمالارى قىزىلجار وڭىرىندە ويداعىداي ورىندالاتىنىنا سەنىم ءبىلدىردى.
بۇدان كەيىن ەل بىرلىگىن نىعايتۋعا, مادەنيەتارالىق ۇنقاتىسۋدى دامىتۋعا جانە قازاقستاندىق پاتريوتيزمدى قالىپتاستىرۋعا ەلەۋلى ۇلەس قوسقان ءبىر توپ سولتۇستىكقازاقستاندىققا «قازاقستان حالقى اسسامبلەياسىنىڭ قوعامدىق «ءبىرلىك» التىن بەلگىسى» مەن «قازاقستان حالقى اسسامبلەياسىنا – 20 جىل» مەرەكەلىك مەدالىن سالتاناتتى جاعدايدا تابىس ەتتى.
ەتنومادەني بىرلەستىكتەر وبلىس اكىمىنىڭ ارنايى گرانتتارىنا يە بولدى.
وبلىستىق اسسامبلەيا ءتوراعاسىنىڭ ورىنباسارى بولىپ «لاد» سلاۆيان قوعامىنىڭ جەتەكشىسى الەكساندر كۋرلەنيا سايلاندى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.