پارلامەنت سەناتىنىڭ دەپۋتاتتارى اقان بيجانوۆ پەن ۆلاديمير بوبروۆ ەۋروپا كەڭەسى پارلامەنتتىك اسسامبلەياسىنىڭ 2015 جىلعى جىل سايىنعى سەسسياسىنىڭ ءۇشىنشى بولىگىنە قاتىستى, دەپ حابارلادى پارلامەنت سەناتىنىڭ ءباسپاسوز قىزمەتى.
قازاقستان رەسپۋبليكاسىنىڭ پارلامەنتى مەن ەكپا اراسىنداعى ىنتىماقتاستىق تۋرالى مەموراندۋم اياسىندا قازاقستاندىق دەپۋتاتتار پارلامەنتتىك اسسامبلەيانىڭ جۇمىسىنا تۇراقتى كەلىپ ءجۇر.
ەۋروپا كەڭەسى پارلامەنتشىلەرىنىڭ الدىندا بۇۇ باس حاتشىسى پان گي مۋن, ەۋروپا كەڭەسىنىڭ شەتەل ىستەرى مەن قاۋىپسىزدىك ساياساتى جونىندەگى جوعارعى ۋاكىلى, ەۋروپالىق كوميسسيانىڭ ۆيتسە-پرەزيدەنتى ف.موگەريني, مالتا پرەزيدەنتى م.-ل.كولەيرو پرەكا, ەۋروپا وداعىنىڭ باس حاتشىسى ت.ياگلاند ءسوز سويلەيدى.
سەسسيا اياسىندا ينتەرنەتتەگى كيبەر-تەررورشىلدىقپەن كۇرەستە ىنتىماقتاستىقتى نىعايتۋ, نەوراسيزمنىڭ دامۋىنا جول بەرمەۋ, اقپاراتتاندىرۋشىلاردى قورعاۋدى جاقسارتۋ, بۇقارالىق اقپارات قۇرالدارى جۇمىسىنداعى ايقىندىق, جاڭا ەۋروپالىق الەۋمەتتىك ۇلگىنى ىزدەستىرۋ ماسەلەلەرى تالقىلاندى.