پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ كورەيا رەسپۋبليكاسى ۇلتتىق اسسامبلەياسىنىڭ دەپۋتاتى حە يونگ ۆوندى ونىڭ ءوتىنىشى بويىنشا قابىلدادى, دەپ حابارلادى پارلامەنت سەناتىنىڭ ءباسپاسوز قىزمەتى.
سەناتور مەيمانمەن كەزدەسۋدە بۇل ساپار قازاقستان مەن كورەيا اراسىنداعى ءوزارا ءتيىمدى ىنتىماقتاستىققا جاڭا سەرپىن بەرەتىنىنە سەنىم ءبىلدىردى.
ەكىجاقتى ءوزارا ساياسي ءىس-قيمىلدىڭ قارقىندى سيپاتىن اتاپ وتە كەلىپ, ي.ادىربەكوۆ پارلامەنتارالىق ۇنقاتىسۋدىڭ جوعارى الەۋەتىنە توقتالدى. «ەكى ەلدىڭ دەپۋتاتتارى ءوزارا ساپارلارعا جۇيەلى تۇردە شىعىپ تۇرادى, ءبىزدىڭ ەلىمىزدىڭ پارلامەنتتەرىندە قازاقستان مەن وڭتۇستىك كورەيانىڭ زاڭ شىعارۋ ورگاندارىنىڭ بەدەلدى مۇشەلەرىنەن قۇرالعان دوستىق توپتارى قىزمەت ەتەدى», – دەدى سەناتور.
تاراپتار ساۋدا-ەكونوميكالىق ىنتىماقتاستىقتىڭ كەلەشەگىن تالقىلادى جانە بارلىق سالادا ءوزارا اۋقىمدى ءىس-قيمىلدى ورىستەتۋ قاجەتتىگىن اتاپ ءوتتى.