10 جاستاعى بالانى اياۋسىز تالاپ ءولتىردى
قوستاناي وبلىسى زاتوبول اۋىلىندا قايعىلى جاعداي ورىن الدى. 10 جاستاعى بالانى ۇيىنەن 100 مەتر جەردە يتتەر تالاپ ءولتىردى.
بۇل تۋرالى «كوستانايسكيە نوۆوستيگە» سىلتەمە جاساپ NUR.KZ حابارلادى.
10 جاستاعى سەرگەي ءرىدنيننىڭ جوعالىپ كەتكەنى تۋرالى حابار پوليتسەيلەرگە 18 ماۋسىمدا بەرىلەدى. سەرگەيدى بۇكىل قالا بويىنشا ىزدەستىرگەن.
جەتكىنشەكتىڭ جانسىز دەنەسى جەرگىلىكتى تۇرعىن ولەگ تۋپكالونىڭ يتتەر اسىراعان ايماعىندا تابىلعان. تۇرعىن ول جەردى «ازيا-ۆەك» جشس-نەن جالعا العان. تۋپكالو يتتەردى بايلاۋدا ۇستاماعانى بەلگىلى بولدى. يتتەر مەكەندەيتىن ايماققا جەتكىنشەك قالايشا جانە نە سەبەپتى كىرىپ كەتكەنى ازىرگە بەلگىسىز.