بەلگيانىڭ انتۆەرپەن قالاسىندا 2003 جىلى ايلاسىنا ادام تاڭعالارلىق ۇرلىق جاسالادى. بىراق ءبىر عانا قاتەلىك ولاردى اشكەرە قىلادى.
قىلمىسكەرلەر بانك قويماسىنداعى جۇزدەگەن المازدى قولدى ەتىپ, ەشبىر دابىلدى ىسكە قوسىلمايتىنداي, بارلىعىن ەگجەي-تەگجەي جوسپارلاعان. ولار ءتىپتى بەينەباقىلاۋ جۇيەسىن اينالىپ ءوتىپ, پوليتسيانى اداستىرىپ جىبەرگەن. الايدا ءمىنسىز كورىنگەن قىلمىس ءبىر بۋتەربرودتىڭ ارقاسىندا اشىلادى. ۇرىلاردىڭ ءىزىن كەسىپ ورماندى ايماققا كەلگەن دەتەكتيۆتەر ايعاق ىزدەپ, سالياميمەن جاسالعان بۋتەربرودتىڭ قالدىعىن جانە جانىنان تۇبىرتەگىن تاۋىپ الادى. پوليتسەيلەر دۇكەندى انىقتاپ, سول جەردەن الىنعان بەينەجازبادان لەوناردو نوتاربارتولونى كورەدى. كەيىن ساراپتامادا بۋتەربرودتان ءدال سول ادامنىڭ دنق ءىزى تابىلادى.