قازاقستان مۇسىلماندارى ءدىني باسقارماسى 2026 جىلعا ارنالعان ءدىني مەرەكەلەر كەستەسىن جاريالادى, دەپ حابارلايدى Egemen.kz.
كەستەگە سايكەس, ميعراج ءتۇنى 16 قاڭتارعا قاراعان ءتۇنى بولسا, باراات ءتۇنى 3 اقپانعا قاراعان ءتۇنى بولادى.
ورازانىڭ ءبىرىنشى كۇنى 19 اقپان – بەيسەنبى كۇنى بولادى.
قادىر ءتۇنى 17 ناۋرىزعا قاراعان ءتۇنى بولماق. ال ورازا ايت 20 ناۋرىزدا باستالادى.
حيجري ايلاردىڭ باستالۋى حالىقارالىق استرونوميالىق زەرتتەۋ ورتالىقتارىنىڭ مالىمەتتەرى نەگىزىندە جاسالدى. ءپاتۋا ماماندارى ءدىني مەرەكەلەردىڭ ناقتى كۇندەرى جاڭا ايدىڭ كورىنۋىنە بايلانىستى كورسەتىلگەن ۋاقىتتان ءبىر كۇن شەگەرىلۋى نەمەسە العا جىلجۋى مۇمكىن ەكەنىن ەسكەرتەدى.