الماتى وبلىسىنىڭ اكىمى اماندىق باتالوۆ تالدىقورعان قالاسىن تۇرلەندىرىپ, كوركەيتىپ جاسىل قالاعا اينالدىرۋدىڭ تاعى ءبىر ءتاسىلىن جاسادى.
بۇگىندە ەل ەكونوميكاسى وركەندەپ ءوسىپ, حالىقتىڭ ءومىر ءسۇرۋ دەڭگەيى, دەموگرافيالىق جاعدايى جاقسارعان سايىن جەتىسۋدىڭ كىندىك قالاسى قاناتىن وڭتۇستىك-باتىسقا قاراي جايا تۇسۋدە. الماتى – وسكەمەن كۇرەجولىنىڭ تالدىقورعانعا كىرەر تۇسىندا وسىعان دەيىن اشىلعان «جاستار» ساياباعىنا 400 ءتۇپ ەڭسەلى قىلقان جاپىراقتى كوشەت وتىرعىزىلدى. يگى شاراعا رايىمبەك, ەڭبەكشىقازاق, ىلە, پانفيلوۆ, ۇيعىر, تالعار اۋداندارى مەن قاپشاعاي قالاسىنىڭ اكىمدەرى مەن ورمانشىلارى اتسالىسىپ, وزدەرىنە بەلگىلەنە بولىنگەن جەرگە ارقايسىسى كوشەتتەرىن وتىرعىزدى. باتالوۆتىڭ باستاماسىن ەلىمىزگە تانىمال ازاماتتار مەن جاستار دا قولداپ, يگىلىككە ىزگىلىك تانىتتى.
نۇربول الدىباەۆ,
«ەگەمەن قازاقستان».
تالدىقورعان.