ءتىل – حالىقتىڭ جانى, جۇرەگى, تاريحى. ۇلتتىڭ ۇلت بولىپ ساقتالۋى ەڭ الدىمەن ونىڭ انا تىلىنە بايلانىستى. ەگەر ءتىل جويىلسا, سول حالىقتىڭ بولمىسى, مادەنيەتى مەن رۋحاني قازىناسى دا جوعالادى. سوندىقتان ء«تىل تاعدىرى – ۇلت تاعدىرى» دەپ بەكەر ايتىلماعان.
قازاق حالقى ءۇشىن قازاق ءتىلىنىڭ ورنى ايرىقشا. ول – اتا-بابامىزدان قالعان اسىل مۇرا, ۇرپاقتان ۇرپاققا جەتكەن قازىنا. قازاق ءتىلى عاسىرلار بويى نەبىر تاريحي كەزەڭدەردى باستان كەشىرىپ, تالاي سىناقتان سۇرىنبەي ءوتتى. بۇگىندە ول –قازاقستان رەسپۋبليكاسىنىڭ مەملەكەتتىك ءتىلى, ەلىمىزدىڭ تۇتاستىعى مەن تاۋەلسىزدىگىنىڭ باستى بەلگىسى.
دەگەنمەن, قازىرگى قوعامدا انا ءتىلىن ساقتاۋ ماسەلەسى وزەكتى بولىپ قالا بەرەدى. جاھاندانۋ داۋىرىندە كوپتەگەن ۇلتتاردىڭ ءتىلى ۇمىتىلىپ, جوعالىپ بارا جاتىر. ەگەر ءبىز ءوز ءتىلىمىزدى قادىرلەمەسەك, ونى كۇندەلىكتى ومىردە قولدانباساق, كەلەشەك ۇرپاق انا تىلىنەن اجىراپ قالۋى مۇمكىن.
ءتىلدى ساقتاۋ –تەك مەملەكەت ساياساتىنىڭ عانا ەمەس, ءاربىر ازاماتتىڭ بورىشى. ۇرپاق بويىنا ءتىلدىڭ قادىرىن ءسىڭىرۋ ءۇشىن ەڭ الدىمەن وتباسى مەن مەكتەپتەن باستاۋ كەرەك. بالانىڭ ەڭ العاش ەستيتىنى دە, سويلەيتىنى دە – انا ءتىلى. سوندىقتان اتا-انانىڭ دا, ۇستازداردىڭ دا مىندەتى –بالالارعا انا ءتىلىن ۇيرەتۋ, وعان دەگەن سۇيىسپەنشىلىكتى وياتۋ. قازاق ءتىلىن دامىتۋ - ۇلتتىڭ رۋحاني تاۋەلسىزدىگىن نىعايتۋ. انا ءتىلىن ارداقتاۋ ارقىلى ءبىز تاريحىمىزدى, مادەنيەتىمىزدى, ءداستۇرىمىزدى ساقتايمىز.
مەملەكەت باسشىسىنىڭ «مەملەكەتتىك ءتىلدى مەڭگەرۋ ء–اربىر وتانداسىمىزدىڭ پارىزى» دەگەن ءسوزى ارقايسىمىزدىڭ جۇرەگىمىزدە تۇرۋى ءتيىس. قورىتىندىلاي كەلە, ءتىلدىڭ تاعدىرى ءبىزدىڭ قولىمىزدا. ءوز انا ءتىلىمىزدى قۇرمەتتەپ, كۇندەلىكتى ومىردە قولدانۋ ارقىلى ءبىز ۇلتىمىزدىڭ بولاشاعىن جارقىن ەتەمىز. ءتىلىن سۇيگەن حالىق ەشقاشان جويىلمايدى.
ايناگۇل ءماجيتوۆا,
باتىس قازاقستان وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ باس مامانى.