6–11 قىركۇيەك ارالىعىندا استانادا پاراحوككەيدەن (B-پۋل) الەم چەمپيوناتى وتەدى. جارىسقا يتاليا, جاپونيا, شۆەتسيا, قازاقستان, فرانتسيا, فينليانديا قۇرامالارى قاتىسادى.
تۋرنير اينالمالى جۇيە ۇلگىسىندە وتەدى. جارىستىڭ قورىتىندىسىندا العاشقى ەكى ورىندى يەلەنگەن كوماندالار «A» توبىنا وتسە, سوڭعى ورىن العان قۇراما «C» توبىنا تۇسەدى. سونداي-اق بۇل بىرىنشىلىكتە «ميلان-2026» XIV قىسقى پاراليمپيادا ويىندارىنا ىرىكتەۋ تۋرنيرىنە بەرىلەتىن ەكى جولداما ساراپقا سالىنادى. ىرىكتەۋ جارىسى 5–10 قاراشا ارالىعىندا نورۆەگيانىڭ يەسسحەيم قالاسىندا وتەدى. جارىستا پاراليمپياداعا تىكەلەي جولداما الاتىن قۇرامالار انىقتالادى.
«استانادا پاراحوككەيدەن (B-پۋل) الەم چەمپيوناتىن ەكىنشى رەت وتكىزۋ – بىزگە ۇلكەن مارتەبە. العاشقى تۋرنير 2023 جىلى ءوتتى, ول كەزدە قۇرامامىز 4-ورىنعا تۇراقتادى. بيىل جوعارى ناتيجە كورسەتىپ, پاراليمپياداعا جولداما الۋ ءۇشىن بار كۇشىمىزدى سالامىز», دەدى ەلىمىزدىڭ پاراحوككەي فەدەراتسياسىنىڭ باس حاتشىسى قايرات سابيروۆ.
پاراحوككەيدەن الەم چەمپيوناتى تۋريزم جانە سپورت مينيسترلىگى, استانا قالاسىنىڭ اكىمدىگى, «Sport Qory», «سامۇرىق قازىنا» اق-نىڭ قولداۋىمەن ۇيىمداستىرىلادى.