بالاسىنىڭ دەنەسىنەن كوگەرگەن ىزدەر مەن جاراقاتتاردى بايقاعان اناسى پوليتسياعا ارىز جازعان. كەيىن اتا-انالار بەينەباقىلاۋ جازبالارىن تالاپ ەتىپ, وندا تاربيەشىنىڭ بالاعا دورەكى, قاتىگەز ارەكەت جاساعانى انىق كورىنگەن, دەپ حابارلايدى Egemen.kz.
شىمكەنت قالالىق پوليتسيا دەپارتامەنتىنىڭ حابارلاۋىنشا, كۇدىكتى ۇستالىپ, ۋاقىتشا ۇستاۋ يزولياتورىنا قامالعان.
«قالالىق تۇرعىننان تۇسكەن ارىز نەگىزىندە كامەلەتكە تولماعان بالانى ۇرۋ فاكتىسى بويىنشا قىلمىستىق ءىس قوزعالدى. قازىرگى تاڭدا بارلىق ءمان-جايلاردى جان-جاقتى انىقتاۋعا باعىتتالعان تەرگەۋ امالدارى جۇرگىزىلىپ جاتىر. كۇدىكتى ۋاقىتشا ۇستاۋ يزولياتورىنا قامالدى», دەلىنگەن حابارلامادا.
سونداي-اق مەكەمە ىشكى بۇيرىقپەن كومەكشى تاربيەشىنى قىزمەتىنەن بوساتقانىن حابارلادى.
قازىرگى ۋاقىتتا پوليتسيا تاراپىنان كۋاگەرلەردەن جاۋاپ الۋ, بەينەباقىلاۋ كامەرالارىنداعى جازبالاردى تەكسەرۋ سياقتى كەشەندى شارالار جۇرگىزىلىپ جاتىر. ءىس بويىنشا تەرگەۋ جۇمىستارى پوليتسيا دەپارتامەنتى باسشىلىعىنىڭ ەرەكشە باقىلاۋىنا الىنعان.