جەتىسۋ وبلىسى ۇشتوبە قالاسىندا كاسىپكەردى بوپسالاعان جەرگىلىكتى بلوگەر ۇستالدى, دەپ جازادى Egemen.kz.
ول بۇرىنىراقتا تۇسىرىلگەن ساپاسىز قۇرىلىس ۆيدەوسىن الەۋمەتتىك جەلىدەگى پاراقشاسىنا سالىپ, ءوشىرۋ ءۇشىن 10 ميلليون تەڭگە سۇراپ, ۆيدەونى تاراتپايتىنىن ايتقان.
كۇدىكتى تالاپ ەتىلگەن اقشالاي قاراجاتتىڭ 7 ملن تەڭگەسىن الۋ كەزىندە قولعا تۇسكەن.
«اتالعان فاكت بويىنشا بوپسالاۋ بابىمەن قىلمىستىق ءىس قوزعالدى. تەرگەۋ امالدارى جۇرگىزىلىپ, كۇدىكتىگە قاتىستى بۇلتارتپاۋ شاراسىن تاڭداۋ ماسەلەسى قارالىپ جاتىر. تەرگەۋ مۇددەسىنە بايلانىستى باسقا اقپارات جاريالانبايدى», دەلىنگەن ىشكى ىستەر مينيسترلىگىنىڭ حابارلاماسىندا.