استانادا 2026 جىلى 24 اپاتتى تۇرعىن ءۇيدى بۇزۋ جوسپارلانىپ وتىر. بۇل تۋرالى قالالىق تۇرعىن ءۇي جانە تۇرعىن ءۇي ينسپەكتسياسى باسقارماسى مالىمدەدى. قازىرگى ۋاقىتتا ەسكى جانە اپاتتى تۇرعىن ۇيلەردى جويۋ باعدارلاماسى اياسىندا توعىز عيماراتتى بۇزۋ جۇمىستارى جۇرگىزىلىپ جاتىر. ال تاعى 15 نىسان ەكىنشى جانە ءۇشىنشى توقسانداردا سۇرىلەدى, دەپ حابارلايدى Egemen.kz.
جوسپارعا سايكەس, الماتى اۋدانىندا – 5, بايقوڭىر اۋدانىندا – 6, ەسىل اۋدانىندا – 1 جانە سارىارقا اۋدانىندا 12 ءۇي بۇزىلادى. وسىلايشا ەڭ كوپ نىسان سارىارقا اۋدانىندا سۇرىلمەك.
باسقارما مالىمەتىنشە, اپاتتى ۇيلەردىڭ تۇرعىندارى الدىن الا باسقا باسپانالارعا كوشىرىلەدى. قونىس اۋدارۋ جانە ۇيلەردى بۇزۋ جۇمىستارى جەرگىلىكتى بيۋدجەت قاراجاتى ەسەبىنەن جۇزەگە اسىرىلادى.
الماتىدا 676 اپاتتى ءۇي بۇزىلادى
رەنوۆاتسيا باعدارلاماسى اياسىندا ەسكى تۇرعىن اۋداندار جاڭارتىلىپ, اپاتتى باسپانالاردىڭ ورنىنا جاڭا نىساندار سالىنادى. تۇرعىندارعا اۋدانى جاعىنان تەڭ جاڭا پاتەرلەر بەرىلەدى. ال تۇرعىن ەمەس نىسانداردىڭ يەلەرىنە م ۇلىكتىڭ قۇنى وتەلەدى نەمەسە كولەمى تەڭ باسقا نىسان ۇسىنىلادى.
اتىراۋدا اپاتتى ۇيلەر تۇرعىندارى جاڭا باسپانا الدى
2023-2029 جىلدارعا ارنالعان تۇرعىن ءۇي قورىن جاڭعىرتۋ جوباسىنا سايكەس, ەلوردادا بارلىعى 206 اپاتتى ءۇيدىڭ تۇرعىندارىن كوشىرۋ كوزدەلگەن. باعدارلاما اياسىندا 4710 پاتەردەگى تۇرعىن جاڭا باسپانامەن قامتاماسىز ەتىلەدى.