جامبىل وبلىستىق پوليتسيا دەپارتامەنتىنىڭ كيبەرپوليتسيا قىزمەتكەرلەرى وبلىستىق پروكۋراتۋرامەن بىرلەسىپ, رەسەي فەدەراتسياسىنىڭ 33 جاستاعى ازاماتىن ۇستادى, دەپ حابارلايدى Egemen.kz Polisia.kz سايتىنا سىلتەمە جاساپ.
ەر ادام الماتى قالاسىنداعى ساۋدا ورتالىقتارىندا جابىرلەنۋشىلەردىڭ بانك شوتتارىنان اقشا ۇرلاۋعا باعىتتالعان الاياقتىق سحەماعا قاتىسى بار دەگەن كۇدىككە ىلىنگەن.
«تاراز قالاسىنىڭ پوليتسيا باسقارماسىنا زەينەتكەر ايەل شاعىمدانىپ, بەلگىسىز بىرەۋدىڭ الداۋ جولىمەن ونىڭ 13,2 ملن تەڭگە قاراجاتىن يەمدەنىپ العانىن مالىمدەگەن. قىلمىسكەر ينتەرنەت-رەسۋرستاردى پايدالانىپ, زەينەتكەردىڭ بانك شوتىنا قاتىستى الاياقتىق ارەكەتتەر جاساعان. كۇدىكتى قازاقستان اۋماعىنان شىعىپ كەتپەك بولعان كەزدە ۇستالدى», دەلىنگەن حابارلامادا.
اتالعان فاكتى بويىنشا قر قىلمىستىق كودەكسىنىڭ 190-بابى 3-بولىگىنە (الاياقتىق) سايكەس سوتقا دەيىنگى تەرگەۋ امالدارى باستالعان. قازىرگى تاڭدا تەرگەۋ شارالارى جۇرگىزىلىپ, قىلمىستىڭ بارلىق ءمان-جايى انىقتالىپ جاتىر.