Moody's Investors Service حالىقارالىق رەيتينگتىك اگەنتتىگى 2024 جىلدىڭ 12 قىركۇيەگىندە وتباسى بانكتىڭ («بايتەرەك» حولدينگىنىڭ ەنشىلەس ۇيىمى) ۇلتتىق ۆاليۋتاداعى دەپوزيتتەرى بويىنشا ۇزاق مەرزىمدى رەيتينگىن Baa2 دەڭگەيىنەن Baa1 دەڭگەيىنە دەيىن كوتەردى. سونداي-اق نەسيەلىك قابىلەتتىلىكتىڭ بازالىق باعاسى (ۆسا) جانە تۇزەتىلگەنى ۆسا ba2-دەن ba1-گە دەيىن كوتەرىلدى.
قىسقا مەرزىمدى رەيتينگى راستالدى. ۇزاق مەرزىمدى رەيتينگ بويىنشا بولجام – «تۇراقتى».
Moody's اگەنتتىگىنىڭ دەرەكتەرى بانكتىڭ تۇراقتى جۇمىس ىستەپ تۇرعانىن كورسەتەدى.
بانكتىڭ بۇكىل ەل يپوتەكاسى پورتفەلىنەن ۇلەسى 53% تەڭ (2024 جىلدىڭ 1 تامىزداعى دەرەكتەر بويىنشا).
قازىر بانك قازاقستاندىق ەدب اراسىندا اكتيۆتەر مەن مەنشىكتى كاپيتال بويىنشا 4-ءشى ورىندا تۇر. بيىلعى جىلى بانك ونىمدەرىنىڭ كومەگىمەن 44 710 قازاقستاندىق وتباسى زاەم الىپ, قونىس تويىن اتاپ ءوتتى.
2024 جىلدىڭ 1 قىركۇيەگىندەگى جاعداي بويىنشا وتباسى بانكتىڭ كرەديتتىك پورتفەلى 3 279 ملرد تەڭگەگە تەڭ.
وتباسى بانك ەكىنشى دەڭگەيلى بانكتەر اراسىندا ەڭ تومەنگى NPL دەڭگەيىنە يە. قازىرگى ۋاقىتتا كرەديتتىك پورتفەلدە 90 كۇننەن استام كەشىكتىرىلگەن تولەمدەرى بار كرەديتتەردىڭ كولەمى نارىق بويىنشا ورتا ەسەپپەن 3,14% بولسا, وتباسى بانكىندە ول 0,11% دەڭگەيىندە.
قازاقستانداعى تۇرعىن ءۇي قۇرىلىس جيناقتارى جۇيەسىنە قاتىسۋشىلاردىڭ سانى 2,8 ملن ادامدى نەمەسە ەكونوميكالىق بەلسەندى حالىقتىڭ 29,4% قۇرايدى. 2024 جىلدىڭ 1 قىركۇيەگىندەگى جاعداي بويىنشا دەپوزيتتىك پورتفەل 2 281 664 ملن تەڭگەگە تەڭ بولدى.
2024 جىلى 320 301 ادام بولاشاقتا ەلدەگى ەڭ تومەنگى پايىزدىق مولشەرلەمەمەن زاەم الىپ, تۇرعىن ءۇي ساتىپ الۋ ءۇشىن وتباسى بانكىندە جاڭا دەپوزيتتەر اشتى.
تەڭگەدەگى ۇزاقمەرزىمدى قازاقستاندىق سالىمدارداعى بانكتىڭ ۇلەسى 32% تەڭ.
وتباسى بانكىندە دەپوزيتتى بانك كەڭەسشىلەرىنە حابارلاسۋ ارقىلى اشۋعا بولادى. مۇنى قاشىقتان بەينە وپەراتورلار نەمەسە بانكتىڭ ءموبيلدى قوسىمشاسى ارقىلى دا جاساۋعا بولادى.