قازاقستان – تۇركيا: قورعانىستى كۇشەيتەتىن ىنتىماقتاستىق

قازاقستان مەن تۇركيا قورعانىس سالالارىنىڭ باسشىلارى گەنەرال-پولكوۆنيك رۋسلان جاقسىلىقوۆ پەن ياشار گيۋلەر ءوزارا ءىس-قيمىلدى كەڭەيتۋگە ۇمتىلىستى راستاي وتىرىپ, ەكىجاقتى ىنتىماقتاستىقتىڭ قار­قىندى دامۋىن اتاپ ءوتتى. كەڭەي­تىلگەن قۇرامداعى كەلىسسوزدەر بارى­سىندا تاراپتار اسكەري-تەحني­كالىق ىنتىماقتاستىق, جاۋىنگەرلىك دا­يىن­­دىق جانە اسكەري ءبىلىم بەرۋ ماسە­لەلەرىن تالقىلادى.

– بۇگىندە ەكى ەل قورعانىس ۆەدومستۆو­لارى اراسىندا قىزمەتتىڭ كوپتەگەن باعىتى, سونىڭ ىشىندە قورعانىس-ونەركاسىپ كەشەنى بويىنشا تىعىز قارىم-قاتىناستار دامىعان. قازاقستان­نىڭ اسكەري قىزمەتشىلەرى تۇركيا اۋماعىندا وتكىزىلەتىن «Efes» جانە «قىش» جاتتىعۋلارىنا تۇراقتى نەگىزدە قاتىسىپ كەلەدى. ءبىزدىڭ كۋرسانتتار تۇركيانىڭ اسكەري جوعارى وقۋ ورىندارىندا ءبىلىم الادى. جىل سايىن ەكى ەلدىڭ اسكەري قىزمەتشىلەرى اراسىندا ءوزارا تاجىريبە الماسۋ جۇرگىزىلەدى. ءسىزدىڭ بۇگىنگى ساپارىڭىز ەكىجاقتى ىنتىماقتاستىقتى دامىتۋعا جاڭا سەرپىن بەرەدى دەپ ويلايمىن, – دەدى قازاقستاننىڭ قورعانىس ءمينيسترى ر.جاقسىلىقوۆ.

ءوز كەزەگىندە يا.گيۋلەر قورعانىس ۆەدومستۆولارى اراسىنداعى ارىپتەستىكتىڭ قارقىندى دامىعانىنا توقتالىپ, جىلىشىراي قابىلداعانى ءۇشىن ريزاشىلىعىن ءبىلدىردى.

– ءبىزدىڭ قارىم-قاتىناسىمىز ورتاق تاريحىمىز بەن ءوزارا تۇسىنىستىككە نەگىز­دەلگەن. قازاقستان ورتالىق ازيا­داعى سەنىمدى سەرىكتەسىمىز. ءبىز وقۋ-جاتتىعۋ­لارىمىزدا قازاقستان اسكەري قىزمەت­شىلەرىنىڭ جوعارى دايىندىق دەڭگەيىن ەرەك­شە اتاپ وتەمىز. وسى باعىتتاعى ءوزارا ءىس-قيمىلدى ارت­تىرۋعا مۇددەلىمىز. سونى­­مەن قاتار تۇركيا قارۋلى كۇشتەرى جاۋىن­­گەر­ل­ىك دايىندىق, اسكەري ءبىلىم بەرۋ جانە قورعانىس-ونەركاسىپ كەشەنى ما­س­ە­­لە­­لەرىندەگى ىنتىماقتاستىقتى تە­رەڭ­­دەتۋگە نيەتتى, – دەپ اتاپ ءوتتى يا.گيۋلەر.

تۇركيا قورعانىس ءمينيسترى قۇرمەتتى قوناقتار كىتابىنا جازبا قالدىردى. ول سەرىكتەستىك قاتىناس­تاردى دامىتۋعا ءوزارا ۇمتىلىستىڭ بەلگىسى رەتىندە قازاقستان قورعانىس مينيسترلىگى عيماراتىنىڭ جانىنداعى «دوستىق اللەياسىنا» اعاش وتىرعىزدى.