رازۆان اندرەي مۋچيتسا,
رۋمىنيالىق ەڭ جاس توعىزقۇمالاقشى:
– قازاقتىڭ زياتكەرلىك ويىنى توعىزقۇمالاق تۋرالى وتكەن جىلى حاباردار بولدىم. ءسويتىپ, 10 جاسىمدا ۇيرەنىپ الدىم. قازىر جاسىم 11-دە. ويىننىڭ ستراتەگيالىق جانە زياتكەرلىك ماڭىزى ەرەكشە اسەر قالدىردى. مەنىڭ ويىمشا, توعىزقۇمالاقتىڭ ەرەكشەلىگى – اقىل-ويعا, تاپقىر تاسىلدەرگە نەگىزدەلگەن زياتكەرلىك ويىن. قازىر ءبىزدىڭ ەلدە وسى زياتكەرلىك ويىندى ناسيحاتتاۋمەن يۋنەسكو بەلسەندى تۇردە اينالىسىپ كەلەدى.
ءوزىم بۇعان دەيىن الماتىدا وتكەن توعىزقۇمالاقتان الەم چەمپيوناتىنا قاتىسىپ, 4-ورىنعا ىلىكتىم. بۇل وقيعا ماعان زور شابىت سىيلادى.
ءبىزدىڭ ەلدە مەكتەپ باعدارلاماسىنا توعىزقۇمالاق ساباقتارىن ەنگىزۋ شارالارى جۇزەگە اسىپ جاتىر. مىسالى, مەن وقيتىن مەكتەپتە شەبەرلىك دارىستەرى ءوتىپ تۇرادى. ەلىمىز بويىنشا 60 مىڭنان اسا وقۋشى وسى ويىن تۇرىمەن اينالىسادى دەگەن دەرەك بار. اي سايىن مەكتەپتەردە اتا-انالار ءۇشىن توعىزقۇمالاق ويىنىن ۇيرەنۋگە جانە ءتۇرلى سايىستارعا قاتىسۋعا مۇمكىندىك بەرەتىن اشىق ساباقتار ءوتىپ تۇرادى.
استانا قالاسىندا ءوتىپ جاتقان كوشپەلىلەر ويىنىنىڭ توعىزقۇمالاق سايىسىنا قاتىسۋعا اتا-اناممەن بىرگە كەلدىم.