مەملەكەت باسشىسىنىڭ حالىققا ارناعان جولداۋىندا ەلدىڭ ينۆەستيتسيالىق احۋالىن جاقسارتۋداعى بەلسەندى ارەكەتتەردىڭ ماڭىزدىلىعىن اتاپ ءوتتى.
جاھاندىق باسەكەلەستىك جاعدايىندا كاپيتالعا ينۆەستيتسيانى ورالىمدى تارتۋدىڭ ءمان-ماڭىزى ايرىقشا. بۇل تۇرعىدا ۇكىمەت جانىنداعى ينۆەستيتسيالىق شتابتىڭ كەڭەيتىلگەن وكىلەتتىكتەرى ەلىمىزدىڭ مەتالل وڭدەۋ, مۇناي-حيميا, ەنەرگەتيكا جانە ماشينا جاساۋ سياقتى نەگىزگى سالالارعا ينۆەستيتسيا تارتۋعا قابىلەتتى ەكەنىن كورسەتىپ, دالەلدەپ كەلەدى.
دەگەنمەن, ق.توقاەۆ كەيبىر وڭىرلىك جانە سالالىق جەتەكشىلەردىڭ وسى باعىتتاعى بەلسەندىلىكتەرىنىڭ جەتكىلىكسىزدىگىن, ينۆەستورلارمەن جۇمىس ىستەۋ ءتاسىلىن وزگەرتۋدى تالاپ ەتەتىنىن دە اشىپ ايتتى. مەملەكەتتىك-جەكەمەنشىك, ارىپتەستىك تەتىكتەرى ارقىلى حالىقارالىق قارجى ينستيتۋتتارىن تارتۋ دا ينۆەستورلارعا قولايلى جاعداي جاساۋدا ماڭىزدى قادام بولماق. وسى ورايدا «ەكونوميكانى ىرىقتاندىرۋ شارالارى تۋرالى» جارلىققا قول قويۋ دا نەعۇرلىم ەركىن جانە باسەكەگە قابىلەتتى ەكونوميكالىق ورتا قۇرۋعا دەگەن ۇمتىلىستى كورسەتەدى.
سايىپ كەلگەندە, بۇل شارالاردىڭ بارلىعىن جۇزەگە اسىرۋ تىكەلەي شەتەلدىك ينۆەستيتسيالاردىڭ قۇلدىراۋىن بولدىرماۋعا جانە ەلىمىزدىڭ تۇراقتى ەكونوميكالىق ءوسۋىن قامتاماسىز ەتۋگە باعىتتالعان. سونىمەن قاتار مەملەكەت باسشىسى جاھاندىق سىن-قاتەرلەر مەن وزگەرمەلى الەمدىك لاندشافت جاعدايىندا ەلىمىزدىڭ ەكونوميكالىق دامۋىنىڭ ستراتەگيالىق كوزقاراسىن ايقىن ءبىلدىردى. قازىرگى حالىقارالىق كۇردەلى جاعدايدا, ەلدەر كاپيتال تارتۋدا ءوزارا باسەكەگە تۇسكەن كەزەڭدە تىكەلەي شەتەلدىك ينۆەستيتسيا كولەمىن ساقتاپ قانا قويماي, ونى ۇلعايتۋ ءۇشىن ەلىمىز باسەكەگە قابىلەتتىلىك جانە يكەمدىلىك تانىتۋى كەرەك.
اتالعان شتابتىڭ وكىلەتتىكتەرىن نىعايتۋ ەلدىڭ ينۆەستيتسيا تارتۋعا بايلانىستى جاڭا مۇمكىندىكتەر مەن سىن-قاتەرلەرگە تەز ارادا دەن قويۋعا دايىندىعىن بايقاتادى. مەتالداردى تەرەڭ وڭدەۋ, مۇناي, گاز جانە كومىر حيمياسى, تۋريزم, ەنەرگەتيكا جانە ماشينا جاساۋ سەكىلدى سالالار – باسىمدىقتار عانا ەمەس, سونىمەن قاتار ۇزاقمەرزىمدى وسۋدەگى ستراتەگيا. بۇل سالالار ەكونوميكانى ءارتاراپتاندىرۋدى قامتاماسىز ەتۋگە جانە الەمدىك تۇراقسىزدىق جاعدايىندا اسا ماڭىزدى شيكىزات ەكسپورتىنا تاۋەلدىلىكتى ازايتۋعا قابىلەتتى. الايدا مەملەكەت باسشىسى ورىندى اتاپ وتكەندەي, جەرگىلىكتى شەنەۋنىكتەردىڭ بارلىعى بۇل باعىتتا جەتكىلىكتى بەلسەندىلىك تانىتا بەرمەيدى. ينۆەستيتسيالار اعىنىن قامتاماسىز ەتۋ, جاڭا جۇمىس ورىندارىن قۇرۋ جانە وڭىرلەردىڭ الەۋمەتتىك-ەكونوميكالىق جاعدايىن جاقسارتۋ ءۇشىن مەملەكەتتىك باسقارۋدىڭ بارلىق دەڭگەيىنىڭ ناقتى جانە ۇيلەسىمدى جۇمىسى قاجەت.
ماڭىزدى اسپەكت سانالاتىن مەملەكەتتىك-جەكەمەنشىك ارىپتەستىكتى ء(مجا) دامىتۋ كەرەك. ەلىمىزدىڭ مۇنداي جوبالاردى جۇزەگە اسىرۋدا تابىستى تاجىريبەسى بار ءارى مەحانيزمدى كەڭەيتۋگە الەۋەتى زور. حالىقارالىق قارجى ينستيتۋتتارىن تارتا وتىرىپ, «كىلتكە تاپسىرىلاتىن» اۋقىمدى جوبالاردى دايىنداۋ قوسىمشا قاراجات تارتۋمەن قاتار, وزىق تەحنولوگيالارعا جانە باسقارۋ تاجىريبەسىنە قولجەتىمدىلىكتى قامتاماسىز ەتەدى. بۇل ءوز كەزەگىندە جوبالاردىڭ تيىمدىلىگىن جانە ولاردىڭ ۇزاقمەرزىمدى پەرسپەكتيۆادا تۇراقتىلىعىن ارتتىرادى.
«ەكونوميكانى ىرىقتاندىرۋ جونىندەگى شارالار تۋرالى» جارلىققا قول قويۋ – اشىق جانە باسەكەگە قابىلەتتى ەكونوميكالىق ورتا قۇرۋ جولىنداعى تاعى ءبىر ماڭىزدى قادام. ليبەراليزاتسيا اكىمشىلىك كەدەرگىلەردى ازايتۋدى, بيزنەس جاعدايىن جاقسارتۋدى جانە ينۆەستورلاردىڭ قۇقىقتارىن قورعاۋدى كۇشەيتۋدى كوزدەيدى. بۇل حالىقارالىق قاۋىمداستىققا ەلىمىزدىڭ ءوزارا ءتيىمدى شارتتاردا ىنتىماقتاسۋعا دايىن جانە ەكونوميكالىق اشىقتىقتىڭ الەمدىك ستاندارتىن ۇستانۋعا نيەتتى ەكەنىن كورسەتەدى.
وسىلايشا, پرەزيدەنت ءوز جولداۋىندا باسىمدىقتاردى بەلگىلەپ قانا قويماي, جوسپارلاردى جۇزەگە اسىرۋعا كەشەندى جانە جۇيەلى كوزقاراس قاجەتتىگىن اتادى. بۇل ينۆەستيتسيالىق احۋالدى جاقسارتۋعا دا, ءمجا جوبالارىن بەلسەندى ىلگەرىلەتۋگە دە قاتىستى. قالاي دەسەك تە, اتالعان شارالاردىڭ ءبارى تۇراقتى ەكونوميكالىق ءوسىم مەن حالىقتىڭ ءال-اۋقاتىن جاقسارتۋعا ىقپال ەتۋگە ءتيىس.
ماحامبەت اساباەۆ,
«MaxMedGlobal» جشس ديرەكتورى