مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان ءداستۇرلى جولداۋىندا ەلىمىزدىڭ الەۋمەتتىك-ەكونوميكالىق, قوعامدىق-ساياسي, ىشكى جانە سىرتقى ساياساتتارىن جەتىلدىرە ءتۇسۋدىڭ ايشىقتى مىندەتتەرى جارقىن كورىنىس تاۋىپ وتىر.
بيىلعى جولداۋدىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى تاقىرىپپەن ۇسىنىلۋىنىڭ ءوزى ەل ەرتەڭىنە دەگەن سەنىمدى نىعايتىپ, مەملەكەت بولاشاعىنا دەگەن وپتيميستىك ۇمىتكە وت بەرىپ وتىر.
جولعا شىققان جاڭا ساياسي قۇجاتتا وتىز جىلدان استام قولدانىستا بولعان بانك جۇيەسىن جەتىلدىرۋگە ارنالعان جاڭا زاڭ قابىلداۋ ماسەلەسى ورىندى كوتەرىلدى دەپ ەسەپتەيمىن. سونىمەن قاتار, ەلىمىزدىڭ ەكونوميكالىق قۇدىرەتىنىڭ بەرىك ىرگەسىن قالىپتاستىرۋ ماقساتىندا جاڭا سالىق كودەكسى اياسىندا مەملەكەتتىك بيۋدجەتتىڭ كىرىس بولىگىن ارتتىرا ءتۇسۋ جولدارىن دا قاراستىرۋ جايلى وتە ماڭىزدى تاپسىرمالار بەرىلدى.
ءوز جولداۋىندا پرەزيدەنت بارلىق سالادا ينۆەستيتسيالىق احۋالدى جانە بيزنەس جۇرگىزۋگە قاجەتتى جاعدايدى جاقسارتۋ جولىندا ۇزدىكسىز جۇمىس جۇرگىزۋدى تاعى دا باسا ايتتى. ونىڭ ىشىندە اگروونەركاسىپ كەشەنىنە ينۆەستيتسيا تارتۋ – وتە ماڭىزدى مىندەت ەكەنىنە ايىرىقشا توقتالدى.
قاسىم-جومارت توقاەۆ ءوز سوزىندە: ء«بىر سوزبەن ايتساق, ادىلەتتى قازاقستان قۇرىلىپ جاتىر. مۇنىڭ ءبارى, ەڭ الدىمەن, حالىقتىڭ قالاۋىمەن جاسالۋدا. سوندىقتان ءبىز العان بەتىمىزدەن قايتپايمىز, باعىتىمىزدان تايمايمىز», دەگەن مەملەكەتتىك دامۋ ساياساتىنىڭ ناقتى جولدارىن ايقىنداپ بەردى. سونىمەن قاتار وتكەن جىلى باستالعان «اۋىل اماناتى» جوباسىنىڭ تابىستى ناتيجەلەرىنە كەڭىنەن توقتالىپ, ەندىگى جەردە وسى جوبا اياسىندا تاعى ءبىر جاڭا ءتاسىلدى, ياعني «تاۋار نەسيەسىن» بەرۋ ماسەلەسىن قاراستىرۋ قاجەتتىگىن كورسەتە كەلە, «Amanat» پارتياسىنىڭ باستاماسىمەن جامبىل وبلىسى مەركى اۋدانىندا جۇزەگە اسىرىلىپ وتىرعان وسى وڭ تاجىريبەنى باسقا دا ايماقتارعا تاراتۋدى ويلاستىرۋى كەرەكتىگىن ۇكىمەت پەن اكىمدەرگە مىندەتتەدى.
سونداي-اق مەملەكەت باسشىسى 2025 جىلدى «جۇمىسشى ماماندىقتارى جىلى» دەپ جاريالاۋى قوعام ىشىندە ۇلكەن سەرپىلىس تۋعىزارى اقيقات. ويتكەنى ەلىمىزدىڭ بارلىق سالاسى قازىرگى تاڭدا ورتا كاسىبي ماماندار جەتىسپەۋشىلىگىن سەزىنىپ وتىر. ال بۇل قادامنىڭ تەحنيكالىق جانە كاسىبي ءبىلىم بەرۋ جۇيەسىن تابىستى رەفورمالاۋ ارقىلى وڭ شەشىمىن تابارىنا كۇمان كەلتىرۋگە بولمايدى.
جالپى جاڭا جولداۋداعى «ادال ازامات – ادال ەڭبەك – ادال تابىس» قاعيداتى ارقىلى ەڭبەك ادامىنىڭ قاشاندا قۇرمەتتى, ءارى سىيلى بولۋ بيىگىنە كوتەرۋ بۇگىنگى ادىلەتتى قازاقستاننىڭ جارقىن ايناسى بولۋعا اپارار جاسامپاز جولى بولارى حاق.
بۇلاردان باسقا دا اسا ۇلكەن كەلەلى دە وزەكتى ماسەلەلەردى كوتەرگەن جاڭا جولداۋدىڭ تۇپكى ماقاساتى ەل يگىلىگىن ارتىرۋعا, قوعام تىنىشتىعى مەن ىنتىماقتى ساقتاۋعا نەگىزدەلگەن جىلدىڭ ساياسي قۇجاتى بولعانى ۋاقىت شىندىعى.
ەندىگى الدا تۇرعان اسا جاۋاپتى مىندەت – قىركۇيەك جولداۋىندا ايقىندالعان مەجەلى مىندەتتەردىڭ تابىستى ورىندالۋىنا بارىنشا ىقپال ەتۋمەن ەرەكشەلەنبەك. مەن ەلىمىزدىڭ بارلىق ازاماتىن وسى بيىكتەردەن كورىنۋگە شاقىرامىن.
جولداۋ سوڭىندا مەملەكەت باسشىسى: ء«ار ادامعا جانە بارشاعا بىردەي مۇمكىندىك بەرەتىن مەملەكەتتى, ياعني ادىلەتتى قازاقستاندى بولاشاق ۇرپاققا امانات ەتۋ – بارشامىزعا ورتاق مىندەت», ەكەنىن اشىق تۇردە جاريا ەتۋى بۇل قۇجاتتا ناقتىلانعان ءاربىر مىندەتتەردىڭ بارشا ازاماتقا ورتاق ەكەنىن اشىق ايقىندادى.
ساكەن ارۋباەۆ,
قر پارلامەنتى سەناتىنىڭ دەپۋتاتى