ەرەكشە بالالاردى وڭالتۋ ورتالىعى

جالپى, «سامۇرىق-قازىنا» ۇلتتىق ءال-اۋقات قورى قوعامداعى ينكليۋزيا ماسەلەلەرىن باستى نازاردا ۇستايدى. وسى باعىت­تا قور كورپوراتيۆتىك الەۋ­مەت­تىك جاۋاپكەرشىلىك اياسىندا حالىقتىڭ سۇرانىسىنا ساي شال­عاي­داعى وڭىرلەردە الەۋ­مەت­تىك جوبالاردى ىسكە اسىرىپ كەلەدى.

قور باسشىسى قۇلسارى قالا­سىن­­داعى ەرەكشە بالا­لار­عا ارنالعان جاڭا وڭالتۋ ورتا­لى­عىن ىسكە قوستى. سالتا­ناتتى اشىلۋ راسىمىندە اتىراۋ وبلىسى اكىمىنىڭ ورىنباسارى مارات مۋرزيەۆ قاتىستى.

– بۇل الەۋمەتتىك نىسان 150 ورىنعا ارنالعان. ورتا­لىق­تا 3 جاس­تان 6 جاسقا دەيىنگى ەرەكشە بالالار ءبىلىم الادى. قور كور­پوراتيۆتىك الەۋمەت­تىك جاۋاپ­كەرشىلىك شەڭبە­رىن­دە مۇمكىندىگى شەكتەۋلى ادام­دار­دىڭ قوعامدىق ومىرگە تولىق­قاندى ارالاسۋى ءۇشىن بارلىق جاعدايدى جاسايدى. ءبىز بۇل باعىتتاعى جۇمىستاردى جالعاستىرا بەرەمىز, – دەپ اتاپ ءوتتى قور باسشىسى.

اتالعان ورتالىق «سامۇرىق-قازىنا» اق كومپانيا­لارى توبىنىڭ اتىنان «ەمبى­مۇناي­گاز» اق قارجىلاي قولداۋى­مەن سالىندى.

جالپى, ەلىمىزدە «سامۇرىق-قازىنا» قورىنىڭ قولداۋىمەن اشىلعان 42 وڭالتۋ ورتالىعى جۇمىس ىستەپ تۇر. بۇل ورتالىق­تار­دا 40 مىڭنان اسا بالا وڭال­تۋدان ءوتتى.

ەرەكشە بالا تاربيەلەپ وتىر­عان شالعايداعى اتا-انالار بۇرىن قاجەتتى كومەك الۋ ءۇشىن وبلىس ورتالىقتارىن ارالايتىن ەدى. ەندىگى زاماناۋي ورتالىقتاردىڭ ءوز وڭىرلەرىندە اشىلعانىنا شەكسىز قۋانىشتى. سەبەبى مۇندا ەرەكشە بالالارمەن كاسىبي ماماندار – لوگوپەد, دەفەكتولوگ, پسيحولوگ, الەۋمەتتىك پەداگوگ, وليگوفرەنوپەداگوگ, ەمدىك دەنەشىقتىرۋ مامانى مەن مەدبيكە جۇمىس ىستەيدى.

سونداي-اق نۇرلان جاقىپوۆ قۇلسارى قالاسىندا سالىناتىن سپورت كەشەنىنىڭ قۇرىلىس جۇ­مىستارىن باستاۋعا رۇقسات بەردى.

– بيىلعى كوكتەم ەلىمىزگە اسا اۋىر ءتيدى. «سامۇرىق-قازىنا» سۋ تاسقىنىنان زارداپ شەككەن وڭىرلەرگە 22 ملرد تەڭگەدەن اسا قاراجات ءبولدى. بۇعان قوسا ءبىزدىڭ شەتەلدىك ارىپتەستەرىمىز 2,5 ملرد تەڭگەگە كومەك كورسەتتى. جينالعان قاراجاتقا ءۇش وڭىردە سپورت كەشەندەرىن سالىپ جاتىرمىز. بۇل وڭىرلەردىڭ ءبىرى – قۇلسا­رى. قۇلسارىدا ءبىز بيىل سپورت كە­شەنىنىڭ قۇرىلىستارىن باستايمىز, – دەدى نۇرلان جاقىپوۆ.

وتكەن جىلى قور 7,2 ملرد تەڭگەگە 46 الەۋمەتتىك جوبانى ىسكە اسىردى. جارتى ميلليوننان اسا ازاماتقا الەۋمەتتىك كومەك كور­سەتىلدى.

سونىمەن قاتار اتىراۋ وب­لى­سىنىڭ قىزىل­قوعا اۋدانىنا قاراستى ميالى اۋىلىندا دا ەرەكشە جاندارعا ار­نال­­عان وڭالتۋ ورتالىعى اشىلدى.

سالتاناتتى اشىلۋ راسىمىنە «Samruk-Kazyna Trust» باس ديرەكتورى الفيا اديەۆا, قىزىلقوعا اۋدانىنىڭ اكىمى قانات ءازمۇحانوۆ, «ەمبى­مۇناي­گاز» اق باس ديرەكتورىنىڭ گەولوگيا جانە كەن ورىندارىن يگەرۋ جونىندەگى ورىنباسارى اسقار مۇنارا قاتىستى.

«Samruk-Kazyna Trust» باس ديرەكتورى الفيا اديەۆا رەزي­دەنتتەردىڭ ورتالىققا قاتى­ناۋى ءۇشىن ينۆاتاكسيلەردى تابىستادى.

بۇدان بىلاي 100-دەن اسا اۋدان تۇرعىنى كەشەندى ورتا­لىق­تىڭ كومەگىنە جۇگىنە الادى. ور­تالىق زاماناۋي وڭالتۋ قۇ­رال­دارىنىڭ 12 تۇرىمەن جاب­دىقتالعان. ينسۋلت, ينفاركت, ءتۇرلى جاراقات العان ادامداردى قابىلداي الادى. سونداي-اق ناقتى وڭالتۋ ماقساتتارىنا قول جەتكىزۋگە باعىتتالعان جەكە وڭال­تۋ باعدارلامالارى جۇر­گىزى­لەدى.

مۇنداي يگى ءىس-شارالار وڭىر­لەردىڭ دامۋىنا ۇلكەن سەر­پىن بەرە­تىنى ءسوزسىز. ەكىنشىدەن, جاس­تار اراسىندا سالاماتتى ءومىر سالتىن ۇستانۋعا جاڭا مۇم­كىن­دىكتەر تۋعىزادى. 

«Samruk-Kazyna Trust» كق ءباسپاسوز ورتالىعى