جەتىسۋعا ينۆەستيتسيا تارتۋ قادامى

جەتىسۋ وڭىرىندە شەتەل ينۆەستيتسياسىن تارتۋ باعىتىندا بىرقاتار ءىس-شا­را قولعا الىنىپ جاتىر. اقش ەلشىسىمەن بولعان كەزدەسۋدە دە بۇل ماسەلە جان-جاقتى پىسىقتالدى.

وبلىس اكىمىنىڭ ورىنباسارى ءا.قاناعاتوۆ بۇعان دەيىن دە اقش وكىلدەرىمەن بولعان رەسمي كەزدەسۋلەردىڭ جالعاسى رەتىندە بۇل جۇزدەسۋدىڭ ەكى­جاقتى ارىپتەستىك بايلانىستاردى نىعايتۋعا ىقپالى بولاتىنىنا سەنىم ءبىلدىردى. وبلىس ەكونوميكاسىنداعى باسىم باعىتتار, ينۆەس­تي­تسيالىق مۇمكىندىكتەر جايلى باياندادى. سول سياقتى امەريكالىق قوناقتاردىڭ وسى جولعى جۇ­مىس ساپارى نەگىزىنەن ءبىلىم بەرۋ سالاسىنا باعىت­تال­عاندىقتان, بۇل سالادا دا ءوزارا ءبىلىم مەن تاجىريبە الماسۋعا مۇمكىندىكتەر بار ەكەنىن جەتكىزدى.

ءوز كەزەگىندە دەنيەل رو­زەنبليۋم مىرزا جەتىسۋلىق ستۋدەنت­تەرگە اقش-تىڭ ءبىلىم گرانت­تارىن بەرۋ, سول سياق­تى ىسكەر ايەلدەرگە قول­داۋ كورسەتۋ جاعىنان بايلانىستى جانداندىرۋ تۋرالى ءسوز قوزعادى. وبلىستىڭ ينۆەستيتسيالىق مۇمكىندىگى تۋرالى مالىمەتتەردىڭ اقش ينۆەستورلارى ءۇشىن پايدالى بولاتىنىن ايتتى.

كەزدەسۋ بارىسىندا وبلىس اكىمىنىڭ ورىنباسارى مارلەن كولباەۆ ءبىلىم بەرۋ, دەنساۋلىق ساقتاۋ, ءىت سالالارىنا مامان دايارلاۋدا ارىپتەستىك بايلانىس ورناتۋدىڭ مۇم­كىندىكتەرى تۋرالى باياندادى. ال تالدىقورعان قالا­سىنىڭ اكىمى ەرنات ءبازىل قالاداعى تۇرمىستىق قاتتى قالدىق­تاردى تەرەڭ وڭدەۋ, ياعني قال­دىقسىز وڭدەۋ ىسىنە ينۆەستيتسيا سالاتىن كومپانيالار بولسا, زاڭ شەڭبەرىندە جەر ۋچاسكەسىن ءبولۋ, ينفراقۇرىلىم جۇرگىزۋ سياقتى ناقتى قولداۋلار كور­سەتىلەتىنىن جەتكىزدى.

قوس قاراپ تا ايتىلعان مالىمەتتەر نەگىزىندە ەكىجاقتى بايلانىستاردىڭ جاڭا كوك­جيەگىنە جول اشىلاتىنىنا سەنىم ءبىلدىرىستى.

ايتا كەتەيىك, دەنيەل رو­زەنبليۋم باس­تاعان رەسمي دەلەگاتسيا جە­­تىسۋ وبلىسىنا كەلگەن جۇ­مىس ساپارى بارىسىندا ءى.جان­سۇ­گىروۆ اتىنداعى جەتىسۋ ۋني­ۆەر­سيتەتىندە حالىقارالىق قاتىناستار باعىتىندا وقي­تىن ستۋدەنتتەرمەن كەزدەسۋ وتكىزىپ, بۇدان كەيىن كوكسۋ اۋدانى جارلىوزەك اۋىلىندا امەريكالىق گرانت باعدار­لاماسىمەن اشىلعان «Ochaq» تۇراقتى دامۋ ورتالىعىندا بولدى.

جەتىسۋ وبلىسى