بجزق سالىمشىلارىنىڭ تابىسى

ين­ۆەستيتسيالىق تابىس قارجى قۇرال­­دارى (باعالى قاعازدار, سالىمدار جانە باسقا وپەراتسيالار) سىيا­قى تۇرىندەگى كىرىستەردەن, قارجى قۇرال­دارىن نارىقتىق جانە ۆاليۋتالىق قايتا باعالاۋدان, سىرتقى باسقارۋداعى اكتيۆ­ كىرىستەرىنەن تۇرادى. ۇلت­تىق بانك جانە ينۆەستيتسيالىق كىرىستى الۋ ماقساتىندا زەينەتاقى اكتيۆ­تە­رىن باسقارۋشىلار بولىپ سانالا­تىن ينۆەس­تي­تسيالىق پورتفەلدى باسقارۋ­شى­لار (يپب) زەينەتاقى اكتيۆتەرىن ەلىمىزدە جانە شەتەلدە ەكونوميكانىڭ ءتۇرلى سەكتورلارىن­داعى قارجى قۇرال­دارى­نا ءتۇرلى ۆاليۋتامەن ورنا­لاس­تىرا­دى. ءارتاراپتاندىرۋ زەينەت­اقى جيناق­­تارى­نىڭ ساقتالۋىن جانە ور­نىقتى تابى­سىن قامتاماسىز ەتەدى. وسى­لايشا, پورت­فەلدى ءارتاراپتاندىرۋ ارقىلى 11 اي ىشىن­دە وڭ ينۆەستيتسيالىق تابىس الىنىپ وتىر.

2023 جىلدىڭ 1 جەلتوقسانىنداعى جاع­­داي بويىنشا زەينەتاقى اكتيۆتەرىنىڭ جال­­پى كولەمى – شامامەن 17 364,76 ملرد تەڭ­گە. بۇل رەتتە ۇلتتىق بانك سەنىمگەر­لىك باس­قارۋىن­داعى بجزق زەينەتاقى اكتيۆ­تەرى 17 347,35 ملرد تەڭگە بولدى. يپب باس­قا­رۋىن­داعى زەينەتاقى اكتيۆتەرى – 17,41 ملرد تەڭگە.

ۇلتتىق بانك زەينەتاقى اكتيۆ­تە­رىن كەلەسىدەي قۇرالدارعا ينۆەس­تي­تسيالاپ, پايدا تابۋعا تىرىسىپ وتىر: قارجى مينيسترلىگىنىڭ مەم­لەكەتتىك باعالى قاعازدارى – 47,55 پايىز; كۆازيمەملەكەتتىك كومپانيالاردىڭ وبليگاتسيالارى – 9,94 پايىز; ەكىنشى دەڭ­گەي­دە­گى بانكتەردىڭ وبليگاتسيالارى مەن دەپوزيتتەرى – 6,03 پايىز;­ ۇلتتىق بانك دەپوزيتتەرى – 2,67 پايىز; حا­لىق­ارالىق قارجى ۇيىم­دا­رى­نىڭ باعالى قاعازدارى – 2,11 پايىز; شەت مەملەكەتتەردىڭ مەم­لە­كەت­تىك باعالى قاعازدارى – 1,46 پايىز.

«2023 جىلدىڭ باسىنان باس­تاپ­­ سالىمشىلاردىڭ شوتتارىنا بولىن­گەن بجزق زەينەتاقى اكتيۆ­تە­­رىنىڭ كىرىستىلىگى ينفلياتسيا 8,11 پا­يىز بولعاندا 8,9 پايىزدى قۇ­را­دى», دەلىنگەن قور حابارلاماسىندا.

جەكەلەگەن باسقارۋشى كوم­پا­­نيالاردىڭ تابىسى بىلاي قا­لىپتاستى: 2023 جىلدىڭ 1 جەل­توق­سانىنداعى جاعداي بويىنشا «Jusan Invest» اق سەنىمگەرلىك باسقارۋىنداعى زەينەتاقى اكتيۆ­تەرى – 5,4 ملرد تەڭگە. كوم­پا­نيانىڭ ەڭ ماڭىزدى سالىمدارى: قارجى مينيسترلىگىنىڭ مەم­لە­كەتتىك باعالى قاعازدارى – 40,89 پايىز, Exchange Traded Funds (ETF) پايلارى – 22,71 پايىز, ينۆەس­تيتسيالىق شوتتارداعى اقشا­لاي قاراجات – 18,77 پا­يىز,­ رەپو – 15,88 پايىز. ايتا كە­تەيىك, پورتفەلدىڭ 67,90 پايىزى تەڭ­گە­­مەن, 32,10 پايىزى دوللارمەن ۇسى­نىل­عان.

«Halyk Global Markets» اق سەنىم­گەرلىك باسقارۋىنداعى زەي­نە­ت­اقى اكتيۆتەرى شامامەن ­3 ملرد تەڭگەنى قۇرادى. پورتفەل قۇرى­­لىمىنداعى نەگىزگى ينۆەس­تي­تسيالاردىڭ كوشىن «كەرى رەپو» باستايدى (كۇنتىزبەلىك 90 كۇن­نەن اسپايتىن) – 39,91 پايىز. كۆا­زي­مەملەكەتتىك ۇيىمدار وبليگاتسيا­لارى – 13,65 پايىز, شەتەلدىك ەميتەنتتەردىڭ ۇلەستىك قۇرالدارى (ETF پايلارى) – 8,84 پايىز, مقۇ وبليگاتسيالارى – 8,62 پايىز, شەت مەملەكەتتەردىڭ ورتالىق ۇكى­مەتتەرى شىعارعان مەملەكەتتىك مارتەبەسى بار باعالى قاعازدار – 8,45 پايىز. ۇلتتىق ۆاليۋتاداعى ينۆەستيتسيالار پورتفەلدىڭ 71,51 پايى­زىن, دوللارمەن قالىپ­­تاسقان ين­ۆەس­تيتسيا 28,49 پايىزىن قۇ­رايدى.

«BCC Invest» اق سەنىمگەرلىك باسقارۋىنداعى بجزق زەينەتاقى اكتيۆتەرى 2,6 ملرد تەڭگەگە جەتتى. ينۆەستيتسيالاردىڭ نەگىزگى با­عىت­­­تارىنىڭ ىشىندە مىنالار­دى ءبولىپ كورسەتۋگە بولادى: كۆازي­مەم­لە­كەتتىك ۇيىمدارىنىڭ وبليگاتسيالارى – 26,9 پايىز, رەپو – 22,34 پايىز, مەملەكەتتىك وبليگاتسيالار – 19,05 پايىز, پايلار (يندەكستەرگە ارنالعان ETF) – 13,93 پايىز, اقش مەملەكەتتىك وبليگاتسيالارى – 5,52 پايىز, ينۆەستيتسيالىق شوتتارداعى اقشالاي قاراجات – 4,27 پايىز, مقۇ وبليگاتسيالارى – 3,32 پا­يىز, قر رەزيدەنت-ەميتەنتتەرىنىڭ كورپوراتيۆتىك وبليگاتسيالارى – 3,01 پايىز. ۇلتتىق ۆاليۋتاداعى قۇرالدارعا پورتفەلدىڭ 73,06 پايىزى, دوللارمەن 26,94 پايىزى ينۆەستيتسيا­لاندى.

«سەنتراس سەكيۋريتيز» اق سەنىمگەرلىك باسقارۋىنداعى بجزق زەينەتاقى اكتيۆتەرى 2023 جىلعى 1 جەلتوقسانداعى جاعداي بو­يىنشا 987,4 ملن تەڭگەنى قۇرادى. اكتيۆتەردىڭ 34,51 پايىز مولشەرى قارجى مينيسترلىگىنىڭ مەملەكەتتىك باعالى قاعازدارىنا ينۆەستيتسيا­لان­دى, كۆازيمەملەكەتتىك ۇيىم­داردىڭ وبليگاتسيالارى – 19,32 پايىز, ەكىنشى دەڭگەيلى بانكتەر وبليگاتسياسى – 16,79 پا­يىز, ينۆەستيتسيالىق شوتتارداعى اقشا­لاي قاراجات – 2,45 پا­يىز, رەپو – 9,02 پايىز, قر ەميتەنتتەرىنىڭ اكتسيا­لارى مەن دەپوزيتارلىق قول­حاتتارى – 8,65 پايىز, اقش مەم­لەكەتتىك وبلي­گاتسيالارى – 8,23 پايىز. ۇلت­تىق ۆاليۋتاداعى قۇرال­دارعا پورت­فەل­دىڭ 75,94 پايىزى, دوللارمەن 24,06 پايىزى ينۆەس­تي­تسيا­لاندى.

«Halyk Finance ەۇ» اق سەنىم­­­گەرلىك باسقارۋىنداعى زەي­نەت­اقى اكتيۆتەرى – 5,4 ملرد تەڭگە. پورتفەل قۇرىلىمىنداعى نەگىزگى ينۆەس­­تيتسيالار: «كەرى رەپو» (كۇنتىزبەلىك 90 كۇننەن اسپايتىن) – 51,69 پايىز, شوتتارداعى اقشالاي قاراجات – 12,98 پا­يىز, قازاقستان كۆازيمەملەكەتتىك ۇيىمدارىنىڭ وبليگاتسيالارى – 9,77 پايىز, قر قم مبق – 9,13 پايىز, Exchange Traded Funds (ETF) پايلارى – 6,09 پايىز, شەت مەملەكەتتەردىڭ مبق – 4,49 پايىز. ۇلتتىق ۆاليۋتاداعى قۇرالدارعا پورتفەلدىڭ 85,18 پا­يىزى, دوللاردا 13,82 پايىزى, ەۆرو ۆاليۋتاسىندا 0,99 پايىزى ينۆەس­تيتسيالاندى.

2023 جىلعى 1 شىلدەدەن باس­تاپ سالىمشىلار ينۆەستيتسيالىق پورتفەلدى باسقارۋشىنىڭ (يپب) ەڭ تومەنگى جەتكىلىكتىلىك شە­گىن ەسەپ­كە الماي, مىندەتتى زەي­نەتاقى جار­نالارى (مزج) جانە مىندەتتى كا­سىپتىك زەينەتاقى جار­نالارى (مكزج) ەسەبىنەن زەي­نەت­اقى جي­ناق­تارىنىڭ 50 پا­يىز مول­شەرىنەن اسپايتىن بولىگىن سەنىم­گەر­لىك باسقارۋعا بەرە الادى. ەرىكتى زەي­نەتاقى جيناقتارى بار سالىمشىلار ولاردى يپب باسقارۋىنا 100 پايىز كولەمىندە بەرۋگە بولا­دى.

اتاپ وتەيىك, زەينەتاقى جيناق­تارى – بۇل ۇزاقمەرزىمدى ينۆەس­تيتسيالار جانە ينۆەستيتسيالىق كىرىستىڭ مولشەرىن كەم دەگەندە 1 جىل كەزەڭىنە تالداعان ءجون. قىسقا­­­­­مەر­زىمدى دەرەكتەر (كۇندە­لىك­تى, ايلىق) ينديكاتيۆتى ەمەس, ويتكەنى ولار كۇندەلىكتى نارىقتىق جاع­دايعا بايلا­نىس­تى. ەلىمىزدە ينفلياتسيا دەڭگە­يىن ەسكەرە وتىرىپ, مىندەتتى زەي­نەتاقى جارنالارىنىڭ ­ساق­تا­لۋىنا بىرەگەي كەپىلدىك بار. تولەمدەر قۇقىعى باس­تال­عان كەزدە سالىمشىنىڭ جي­ناقتالعان كىرىستىلىگىنە اسەر ەتكەن جەكەلەگەن كەزەڭدە كىرىس­تىلىكتىڭ تومەندەۋى كەزىندە دە ايىرماشىلىقتى وتەۋگە مەملەكەت كەپىلدىك بەرەدى.