الماتى قالاسى جاستارىنىڭ اراسىندا كىتاپ وقۋ مادەنيەتىن ناسيحاتتاۋ, جاستاردىڭ كىتاپ وقۋعا دەگەن قىزىعۋشىلىعىن ارتتىرۋ, ءبىلىمدى, تالانتتى جاستاردىڭ ورتاسىن قالىپتاستىرۋعا ىقپال ەتۋ, وقىرمانداردىڭ كىتاپقا دەگەن سۇيىسپەنشىلىگىن نىعايتۋ ماقساتىندا «وقىرمان ۇلت» جوباسى جۇزەگە اسىرىلىپ جاتىر.
بۇل جوبا قازىرگى جاستاردىڭ ينتەللەكتۋالدى دەڭگەيىن وسىرۋگە جانە بىلىمگە قۇشتارلىعىن وياتۋعا, ءوزىن-ءوزى دامىتۋعا دەگەن ۇمتىلىسقا جەتەلەيدى. جوباعا جاستاردى, اتا-انالاردى, كىتاپ اۆتورلارىن, باسپا يەلەرىن, ينتەرنەت رەسۋرستار مەن الەۋمەتتىك جەلى پايدالانۋشىلارىن تارتۋ كوزدەلگەن.
بۇگىنگە دەيىن «وقىرمان ۇلت» جوباسى اياسىندا الماتى قالاسى جاستار ساياساتى باسقارماسىنىڭ قولداۋىمەن جاستارعا ارنالعان «مەنىڭ سۇيىكتى كىتابىم» اتتى كىتاپ وقۋ مارافونى جاريالانىپ, ۇزدىك قاتىسۋشىلار باعالى سىيلىقتارمەن ماراپاتتالدى. ۇيىمداستىرۋشىلاردىڭ ايتۋىنشا, جوباعا قىزىعۋشىلىق تانىتىپ, بەلسەنە قاتىسۋشىلاردىڭ قاتارى كوپ بولعان.
مىنە وسىنداي جوبالار قوعامنىڭ نازارىن اۋدارىپ, كىتاپ وقۋ مادەنيەتىن دامىتۋعا, قالىپتاستىرۋعا سەپتىگىن تيگىزەتىنى انىق.