وليمپيادا جەڭىمپازدارىنا قۇرمەت

مپيادانىڭ (IPhO) كۇمىس جۇل­دەگەرى, الماتى قالاسىنداعى №165 مامانداندىرىلعان ليتسەي وقۋ­شى­سى مارعۇلان نۇرساعاتوۆ تالىم­گەرلەرىنە العىسىن ءبىلدىردى. «في­زيكانىڭ قىر-سىرىن ۇيرەتۋ ءۇشىن كۇش-جىگەر جۇمساعان مۇعالىم­دەرىمە جانە مەنى قولداپ كەلە جات­قان اتا-اناما راحمەت ايتامىن. سونداي-اق ەلىمىزدىڭ بولاشاعىنا – بىزگە سەنىم ارتقانى ءۇشىن مەملەكەت باسشىسىنا ەرەكشە العىسىمدى بىلدىرەمىن», دەدى مارعۇلان نۇر­ساعاتوۆ.

وقۋ-اعارتۋ ءمينيسترى جەڭىم­پازداردى جەتىستىكتەرىمەن قۇت­تىق­تاپ, حالىقارالىق وليمپيا­دالاردا جۇلدەگەر بولعان وقۋ­شىلاردى قول­داۋ شارالارىنا توقتالدى.

– سىزدەر ەلىمىزدىڭ كوك تۋىن الەمدىك ارەنادا جوعارى كوتەرىپ, ماتەماتيكا, فيزيكا, حيميا, بيولوگيا, گەوگرافيا, ينفورماتيكا سياقتى ىرگەلى عىلىمدار بويىنشا لايىقتى نا­تيجەلەرگە قول جەتكىزدىڭىزدەر. بۇل ۇستازداردىڭ دا وراسان زور ەڭ­بەگى, جەتىستىگى دەپ بىلەمىن. مەم­لەكەت دارىندى وقۋشىلارعا جان-جاق­­تى قولداۋ كورسەتىپ كەلەدى. بىل­­تىر­دان بەرى حالىقارالىق وليم­­پيا­دالاردىڭ جەڭىمپازدارى مەن جۇلدەگەرلەرىنە, سونداي-اق ولاردى دايىنداعان پەداگوگتەرگە بىرجولعى سىياقى تولەنە باس­تا­دى. بيىل الەم­دەگى ەڭ بەدەلدى 7 وليم­پيادادا جۇل­دەگەر اتانعان 23 وقۋشىعا 65,5 ملن تەڭگە, ال 20 پەداگوگكە 6 ملن تەڭگەگە جۋىق اقشالاي سىي­اقى بەرىلدى. بۇل شارالار, ەڭ الدى­مەن, وليمپياداشىلاردىڭ بەدە­­لىن ارتتىرۋعا جانە وتاندىق عىلىم­­نىڭ بولاشاق جۇلدىزدارىن قالىپتاستىرۋعا باعىتتالعان, – دەدى عاني بەيسەمباەۆ.

ايتا كەتەيىك, التىن مەدالعا – 1 500 ايلىق ەسەپتىك كورسەتكىش, كۇمىس مەدالعا – 1 000 ايلىق ەسەپتىك كورسەتكىش, قولا مەدالعا 500 ايدىق ەسەپتىك كورسەتكىش مولشەرىندە اقشالاي سىياقى قاراستىرىلعان. التىن مەدال يەگەرىن دايىنداعان پەداگوگكە – بازالىق لاۋازىمدىق جالاقىنىڭ 26,5 ەسەلەنگەن مول­شەرىندە, كۇمىس ءۇشىن بازالىق لاۋازىمدىق جالاقىنىڭ 17,5 ەسەلەنگەن مولشەرىندە, قولا ءۇشىن بازالىق لاۋازىمدىق جالاقىنىڭ 8,5 ەسەلەنگەن مولشەرىندە سىياقى تولەنەدى.