قازاق ەلىنىڭ باستاماسىمەن ۇيىمداستىرىلعان بۇل ءىس-شارانىڭ ماڭىزى الەمدىك دەڭگەيدە جوعارى باعالانادى. بۇل – حالىقارالىق ارەنادا تانىلعان ماڭىزدى الاڭ. ساياسي جانە ءدىني قايراتكەرلەر باس قوساتىن جەر. ءتۇرلى ءدىن وكىلدەرىنە وسىنداي زور مۇمكىندىكتى بەرىپ وتىرعان قازاقستاننىڭ باسشىلارىنا وركەنيەتتەردىڭ باسىن قوسقانى ءۇشىن العىس ايتامىز.
ءبىز قازاقستاننىڭ بۇدان ءارى دە دىنارالىق جانە وركەنيەتارالىق ديالوگتى دامىتۋعا ۇلەسىن قوسا بەرەتىنىنە سەنەمىز. قازىر الەم بۇرىن-سوڭدى بولماعان قيىندىقتى باستان كەشىپ جاتىر. مۇندا ەڭ باستى مىندەت – اللا بەرگەن ادام ءومىرىن قورعاۋ. ەۋروپادا قاسيەتتى قۇران كىتاپتارىنىڭ ورتەلۋى الاڭداۋىمىزعا سەبەپ بولدى. بۇل ء–سوز بوستاندىعى دەگەن جەلەۋمەن جاسالىپ وتىرعان جاعداي. بۇۇ بۇل ارەكەتتەردى سىنعا الىپ, نارازىلىعىن ءبىلدىردى. ءبىز ءبارىمىز وسىنداي ارانداتۋشىلىق ىستەرىنە قارسى ءبىراۋىزدان ءوز ءۇنىمىزدى ءبىلدىرۋىمىز كەرەك. مەن ساياسي كوشباسشىلاردان الەمدى دىنارالىق قاقتىعىستاردان, قاتەرلەردەن قۇتقارۋدى سۇرايمىن.
شەيح-ۋل يسلام اللاحشۇكىر پاشازادە,
كاۆكاز مۇسىلماندارى باسقارماسىنىڭ توراعاسى