قىزىلوردادا ءۇي قۇرىلىسى كومبيناتى اشىلدى. وسىعان وراي ۇيىمداستىرىلعان سالتاناتتى ءىس-شارادا وبلىس اكىمى نۇرلىبەك نالىباەۆ جاڭا ءوندىرىس ءوڭىر دامۋىنا لەپ قوساتىنىن اتاپ ءوتتى.
كومبينات ەدەن, جول پليتاسى, ىرگەتاس بلوكتارى, ماڭدايشا, تاسپالى ىرگەتاس, باسپالداق سياقتى ونىمدەر شىعارادى. ساعاتىنا 80 تەكشە مەتر تاۋارلى بەتون, كۇنىنە 120 تەكشە مەتر تەمىر-بەتون بۇيىمدارىن وندىرەتىن كاسىپورىندا 100-گە جۋىق جاڭا جۇمىس ورنى اشىلىپ وتىر.
– جاڭا زاۋىت ايماقتاعى قۇرىلىس سالاسىن دامىتىپ, تۇرعىن ءۇي جانە الەۋمەتتىك ينفراقۇرىلىم قۇرىلىسى كولەمىن كەڭەيتۋگە جول اشادى. ەڭ باستىسى, بۇل بىزگە قۇرىلىس شىعىندارىن ەداۋىر ازايتۋعا, يمپورتقا تاۋەلدىلىكتى تومەندەتۋگە, سونداي-اق كاپيتالدىڭ شەتەلدەرگە كەتۋىن شەكتەۋگە مۇمكىندىك بەرەدى, – دەدى ايماق باسشىسى.
مەملەكەتتىك قولداۋ ناتيجەسىندە بيىل وبلىس اۋماعىندا 8,8 ملرد تەڭگەگە 26 تۇرعىن ءۇيدىڭ جانە 46 ملرد تەڭگەگە 62 الەۋمەتتىك نىساننىڭ قۇرىلىسى جۇرگىزىلىپ جاتىر. كەيىنگى 3 جىلدا تۇرعىن ءۇي قۇرىلىسىنىڭ كولەمى 112 پايىزعا ءوسىپ, 3 مىڭنان اسا ادام جاڭا پاتەرگە كىردى. وسى جىلى 692,3 مىڭ شارشى مەتر تۇرعىن ءۇيدى قولدانىسقا بەرۋ جوسپارلانىپ وتىر.
قىزىلوردا