استانادا ءوتىپ جاتقان «ادىلەتتى قازاقستان: بىرلىك, تۇراقتىلىق, دامۋ» تاقىرىبىنداعى قازاقستان حالقى اسسامبلەياسىنىڭ ءحححىى سەسسياسى قحا-نىڭ ادىلەتتى قازاقستان قۇرۋداعى الداعى جىلدارى اتقاراتىن جۇمىستارىن ايقىنداپ ءوتتى.
تاقىرىپتاعى بىرلىك, تۇراقتىلىق, دامۋ سوزدەرى ەل ءۇشىن ەڭ ماڭىزدى مەملەكەت قۇراۋشى قاعيدا بولىپ سانالادى. ال بىرلىك ءسوزى قازاق حالقى ءۇشىن عاسىرلار قويناۋىنان كەلە جاتقان قاسيەتتى سوزگە اينالدى دەسەك, ارتىق ايتقاندىق بولماس. قحا وكىلدەرى تەك قوعامدىق دەڭگەيدە عانا ەمەس, مەملەكەتتىك باسقارۋ, زاڭ شىعارۋشى ورگانداردىڭ قۇرامىنا ەنىپ, اسسامبلەيانى ساياسي رەفورمالاردى جۇزەگە اسىرۋدا بەلسەندى قاتىساتىن بىرەگەي ينستيتۋت رەتىندە ماڭىزىن ارتتىرا ءتۇستى.
بيىل قازاق ءتىلىنىڭ مەملەكەتتىك ءتىل مارتەبەسىن العانىنان 35 جىل تولادى. قازاق ءتىلىنىڭ قوعامداعى ءرولىن ارتتىرۋ, بيلىك پەن ءىس-قاعازدار تىلىنە اينالدىرۋ باعىتىندا قىرۋار ءىس-شارا اتقارىلدى. دەگەنمەن قازاق ءتىلىنىڭ جالپىقازاقستاندىقتاردىڭ ورتاق تىلىنە اينالۋىن جۇزەگە اسىرۋ باعىتىندا ناقتى ءىس-شارالاردى قولعا الاتىن ۋاقىت جەتتى. وسى باعىتتا حالقىمىزدىڭ بىرلىگىن نىعايتۋدا نەگىزگى ۇيىم رەتىندە اسسامبلەيا الداعى ۋاقىتتا جاپپاي وتانداستارىمىزدىڭ قازاق ءتىلىن مەڭگەرۋى, ءتىل ورتاقتىعى قاعيداتتارىن قالىپتاستىرۋ باعىتىندا دا وزىندىك ءرولىن نىعايتۋى قاجەت دەپ ەسەپتەيمىز. ناتيجەسىندە, ءبىر ەلدە بارىنە ورتاق ءتىلدىڭ قالىپتاسۋى حالىق بىرلىگىن نىعايتا تۇسەتىن ورتاق مۇددەلى, ادىلەتتى قازاقستان ورنايتىنىنا ەش كۇمانىمىز بولمايدى. سول سەبەپتى بولاشاقتاعى قحا-نىڭ باسىم باعىتىن, بارلىق كۇش-قۋاتىن وسىعان ارناۋ قاجەت.
ۆلاديمير شنايدەر,
تۇران-استانا ۋنيۆەرسيتەتى اسسامبلەيا كافەدراسىنىڭ مەڭگەرۋشىسى